برسلز۔ 11 دسمبر(اے پی پی)وفاقی وزیر داخلہ محسن نقوی یورپی یونین کمشنر برائے داخلی امور و مائیگریشن میگنس برنر نال ملین۔ انہاں غیر قانونی امیگریشن روکݨ، انسانی سمگلنگ دے خلاف اقدامات اَتے باہمی تعاون ودھاوݨ تے ڳالھ مہاڑ کیتی ڳئی۔ یورپی یونین دے کمشنر برائے داخلی امور میگنس برنر آکھیا جو گزریل ھک سال اچ پاکستان توں یورپ کیتے غیر قانونی رستیاں توں ونڄݨ دیاں کوششاں اچ 47 فیصد کمی …
وفاقی وزیر داخلہ محسن نقوی دی یورپی کمشنر نال ملاقات
برسلز۔ 11 دسمبر(اے پی پی)وفاقی وزیر داخلہ محسن نقوی یورپی یونین کمشنر برائے داخلی امور و مائیگریشن میگنس برنر نال ملین۔ انہاں غیر قانونی امیگریشن روکݨ، انسانی سمگلنگ دے خلاف اقدامات اَتے باہمی تعاون ودھاوݨ تے ڳالھ مہاڑ کیتی ڳئی۔ یورپی یونین دے کمشنر برائے داخلی امور میگنس برنر آکھیا جو گزریل ھک سال اچ پاکستان توں یورپ کیتے غیر قانونی رستیاں توں ونڄݨ دیاں کوششاں اچ 47 فیصد کمی آئی اے، جیڑھی حکومت پاکستان دے مؤثر اقدامات دا مظہر اے۔ انہاں پاکستان حکومت کوں زبردست خراجِ تحسین پیش کریندے ایں پیش رفت کوں مثالی قرار ݙِتا اَتے تیکھے پاکستان دا دورہ کرݨ دا آکھیا۔ وفاقی وزیر محسن نقوی ݙسایا جو جاری سال پاکستان اچ 177 انسانی سمگلرز اَتے انہاں دے ایجنٹس کوں گرفتار کیتا ڳئے، جیڑھا جو غیر قانونی امیگریشن دے خلاف حکومتِ پاکستان دی زیرو ٹالرنس پالیسی دا واضح ثبوت اے۔ ملاقات اچ اتفاق تھیا جو غیر قانونی امیگریشن، انسانی سمگلنگ اَتے منشیات دی سمگلنگ دے خلاف سانجھی اَتے مربوط حکمتِ عملی کوں مزید مضبوط کیتا ویسی۔ ݙوہاں پاسوں معلومات دے تبادلے سودھا ہر ممکن تعاون ودھاوݨ تے وی اتفاق تھیا۔ فریقین عزم دوہرایا جو پاکستان اَتے یورپی یونین مستقبل اچ وی غیر قانونی امیگریشن اَتے انسانی سمگلنگ دے خلاف رَل تے کم کریندے رہسن
