پاکستان، طوفان متاثرین کیتے سری لنکا کوں200ٹن اضافی انسانی امدادی سامان بھڄیسی، وفاقی وزیر جنید انوار چوہدری

اسلام آباد۔ 11 دسمبر (اے پی پی) وفاقی وزیر بحری امور محمد جنید انوار چوہدری آکھیے جو پاکستان اڄوکے طوفان توں متاثرہ کمیونٹیز دی مدد کیتے سری لنکا کوں200ٹن اضافی انسانی امدادی سامان بھڄیسی۔ وفاقی وزیر جنید انوار چوہدری آکھیے 200ٹن امدادی سامان تے مشتمل ھک کھیپ سمندری رستے توں روانہ کرݙتی ڳئی ، امید اے جو 13 دسمبر تئیں سری لنکا پڄ ویسی۔ کھیپ وچ خیمے، کمبل، لحاف، مچھر داݨی، کیمپنگ لیمپ، چٹائیاں، لائف جیکٹس، اِنفلٹیبل بوٹس، پاݨی صاف کرݨ آلے پمپ، دوائیں، سُکّا کھیر اَتے استعمال کیتے تیار خوراک شامل اے۔انہاں آکھیا جو پاک بحریہ دے جہاز اَتے ہوابازی دے اثاثے سری لنکا وچ جاری امدادی سرگرمیاں وچ مصروف ہن، ریسکیو، ٹرانسپورٹیشن اَتے ہنگامی کارروائیاں وچ مدد ݙیندے پئن۔ بحریہ دیاں ٹیماں مقامی حکام نال رَل تے کم کریندیاں پئن تاں جو سخت متاثرہ علاقیں وچ کمیونٹیز دی مدد کیتی ونڄ سڳے