اشک آباد۔ 11 دسمبر(اے پی پی) وزیر اعظم محمد شہباز شریف ترکمانستان دے صدر سردار بردی محمدوف دی دعوت تے ݙو ݙیہاڑے دے سرکاری دورے تے اشک آباد پُڄ ڳئن۔ اشک آباد انٹرنیشنل ائیر پورٹ تے پُڄݨ تے، ترکمانستان دی کابینہ دے نائب چیئرمین اتے ٹرانسپورٹ و مواصلات دے سربراہ محمد خان چیکیئف وزیر اعظم اتے پاکستانی وفد دا استقبال کیتا، جَڈاں جو روایتی لباس پاتے بالاں آپݨے مخصوص ثقافتی …
وزیر اعظم محمد شہباز شریف ترکمانستان دے سرکاری دورے تے اشک آباد پُڄ ڳئن
اشک آباد۔ 11 دسمبر(اے پی پی) وزیر اعظم محمد شہباز شریف ترکمانستان دے صدر سردار بردی محمدوف دی دعوت تے ݙو ݙیہاڑے دے سرکاری دورے تے اشک آباد پُڄ ڳئن۔ اشک آباد انٹرنیشنل ائیر پورٹ تے پُڄݨ تے، ترکمانستان دی کابینہ دے نائب چیئرمین اتے ٹرانسپورٹ و مواصلات دے سربراہ محمد خان چیکیئف وزیر اعظم اتے پاکستانی وفد دا استقبال کیتا، جَڈاں جو روایتی لباس پاتے بالاں آپݨے مخصوص ثقافتی انداز اچ وزیر اعظم کوں “خوش آمدید” آکھیا اتے گلدستہ پیش کیتا۔ دورے اچ وزیر اعظم ترکمانستان دے صدر سردار بردی محمدوف نال ݙو طرفہ ملاقات کریسن۔ وزیر اعظم اشک آباد اچ تھیوݨ آلے بین الاقوامی سال برائے امن و اعتماد، عالمی ݙیہاڑ برائے غیر جانبداری، تے ترکمانستان دی مستقل غیر جانبداری دی سالگرہ دے حوالے نال فورم اچ شرکت کریسن۔ نائب وزیر اعظم و وزیر خارجہ سینیٹر اسحاق ڈار، وفاقی وزیر پاور ڈویژن سردار اویس خان لغاری، وفاقی وزیر اطلاعات و نشریات عطاء اللہ تارڑ، معاونین خصوصی طارق فاطمی تے طلحہ برکی وزیر اعظم دے وفد اچ شامل ہِن۔
