اشک آباد۔ 12 دسمبر (اے پی پی) وزیراعظم محمد شہباز شریف عالمی رہنماواں رَلے ترکمانستان دی مستقل غیرجانبداری دی پالیسی دی علامت ’’یادگار غیرجانبداری‘‘ دا دورہ کیتا۔ وزیراعظم محمد شہباز شریف جیڑھے ترکمانستان دے ݙو ݙینھ دے دورے تے ہن، انہاں کوں ترکمانستان دے دارالحکومت اشک آباد وچ یادگار غیرجانبداری تے پھل چڑھائے۔ایں موقع تے روس دے صدر ولادی میر پیوٹن، ترک صدر رجب طیب اردوان اَتے ترکمانستان دے صدر …
وزیراعظم شہباز شریف دا عالمی رہنماواں رَلے ترکمانستان اچ ’’یادگار غیرجانبداری‘‘ دا دورہ
اشک آباد۔ 12 دسمبر (اے پی پی) وزیراعظم محمد شہباز شریف عالمی رہنماواں رَلے ترکمانستان دی مستقل غیرجانبداری دی پالیسی دی علامت ’’یادگار غیرجانبداری‘‘ دا دورہ کیتا۔ وزیراعظم محمد شہباز شریف جیڑھے ترکمانستان دے ݙو ݙینھ دے دورے تے ہن، انہاں کوں ترکمانستان دے دارالحکومت اشک آباد وچ یادگار غیرجانبداری تے پھل چڑھائے۔ایں موقع تے روس دے صدر ولادی میر پیوٹن، ترک صدر رجب طیب اردوان اَتے ترکمانستان دے صدر بردی محمدوف سودھے ٻہوں سارے عالمی رہنما وی موجود ہن جنہاں نال وزیراعظم دے خوشگوار جملیں دا تبادلہ وی تھیا۔ ’’یادگار غیرجانبداری‘‘ ترکمانستان دی مستقل غیرجانبداری دی پالیسی دی علامت اے۔ وزیراعظم محمد شہباز شریف بین الاقوامی سال امن و اعتماد، عالمی ݙینھ غیر جانبداری اَتے ترکمانستان دی 30 سالہ مستقل غیر جانبداری دی سالگنڈھ دے حوالے نال اشک آباد وچ منعقدہ فورم وچ شرکت کیتے ترکمانستان دے دورے تے ہن۔ وزیرِاعظم فورم وچ شریک عالمی رہنماواں نال ݙو طرفہ ملاقاتاں وی کریسن
