وزیر اعظم شہباز شریف ترکمانستان دی 30 سالہ مستقل غیرجانبداری دی سالگنڈھ دے حوالے نال منعقدہ فورم وچ شرکت کیتے پُڄ ڳئن

اشک آباد۔ 12 دسمبر(اے پی پی) وزیراعظم محمد شہباز شریف ترکمانستان دی 30 سالہ مستقل غیرجانبداری دی سالگنڈھ دے حوالے نال منعقدہ فورم وچ شرکت کیتے پُڄ ڳئن۔ فورم وچ ٻہوں سارے عالمی رہنما شامل ہن۔ وزیراعظم محمد شہباز شریف فورم وچ شرکت کیتے پُڄے تاں ترکمانستان دے صدر سردار بردی محمدوف انہاں دا پرتپاک خیر مقدم کریندے گرمجوشی نال مصافحہ کیتا۔ایں توں پہلے وزیراعظم محمد شہباز شریف عالمی رہنماواں نال رَل تے ترکمانستان دی مستقل غیرجانبداری دی پالیسی دی علامت ’’یادگار غیرجانبداری‘‘ دا دورہ کیتا اَتے یادگار غیر جانبداری تے پُھل چڑھائے۔ وزیراعظم محمد شہباز شریف فورم وچ شرکت دے علاوہ عالمی رہنماواں ملاقاتاں وی کریسن