پاکستان دا وݙا اَتے قدیم ثقافتی ورثہ عالمی ماحولیاتی بحران دی زَد وچ اے، وفاقی وزیر قومی ورثہ و ثقافت اورنگزیب خان کھچی

روم۔ 12 دسمبر (اے پی پی) وفاقی وزیر قومی ورثہ و ثقافت اورنگزیب خان کھچی آکھیے جو پاکستان دا وݙا اَتے قدیم ثقافتی ورثہ جیں وچ موہنجو داڑو اَتے ہڑپہ دیاں قدیم شہری تہذیباں شامل ہن، عالمی ماحولیاتی بحران دی زَد وچ اے۔ او روم وچ انٹرنیشنل سینٹر فار دی اسٹڈی آف پریزرویشن اینݙ ریسٹوریشن آف کلچرل پراپرٹی (آئی سی سی آر او ایم) دی جنرل اسمبلی دے موقع تے منعقدہ خصوصی تقریب “کلچر–کلائمیٹ نیکسس ڈی مِسنگ لنک” توں مرکزی خطاب کریندے پئے ہن۔ وزارت قومی ورثہ و ثقافت توں جاری پریس ریلیز موجب، وزیر آپݨے خطاب وچ پاکستان دے وݙے اَتے قدیم ثقافتی ورثے دا ذکر کیتا جنہاں وچ موہنجو داڑو اَتے ہڑپہ دیاں قدیم شہری تہذیباں، ٹیکسلا اَتے تختِ بائی دے بدھ مت دے تاریخی مقام، لاہور قلعہ اَتے شالامار باغ جہیں مغلیہ دور دے شاہکار اَتے ملک دیاں زندہ مقامی ثقافتاں شامل ہن، اَتے آکھیا جو اے سارے تاریخی اثاثے اڄ عالمی ماحولیاتی بحران دی زَد وچ ہن۔ انہاں2022 دی تباہ کن چھل دا حوالہ ݙیندے ݙسایا جو انہاں چھل توں 750 توں ودھ رجسٹرڈ ثقافتی جہیں کوں ضیان پڄائے، جنہاں وچ یونیسکو دے عالمی ثقافتی ورثے دا مقام موہنجو داڑو وی شامل اے۔انہاں خبردار کیتا جو گلیشیائی جھیلاں دے اچانک پھٹݨ نال قراقرم ہائی وے نال موجود پتھراں تے کَھٹیاں قدیم تصویراں اَتے دیامیر بھاشا دے علاقے دے پٹروگلفس خطرے اچ ہن، جݙاں جو سمندری کٹاؤ اَتے سمندر دی سطح وچ ودھارا، بن بھور اَتے مکلی دے تاریخی قبرستان کوں متاثر کریندا پئے۔عالمی یکجہتی دی اپیل کریندے انہاں آکھیا جو ثقافتی ورثے کوں موسمیاتی تبدیلی نال نبݨݨ دی حکمتِ عملی وچ بشمول نیشنل ڈیٹرمینڈ کنٹری بیوشنز اَتے نیشنل اڈاپٹیشن پلانز وچ ھک سٹریٹجک اثاثے دے طور تے شامل کیتا ونڄے۔ انہاں موسمیاتی آفتاں توں متاثرہ ثقافتی ورثے کیتے لاس اینڈ ڈیمیج فنڈ دے تحت ھک مخصوص مالیاتی سیل قائم کرݨ دی وی تجویز ݙتی