اسلام آباد۔ 12 دسمبر (اے پی پی) وفاقی وزیر تجارت جام کمال خان نال یمن دے سفیر محمد مطہر الاشعبی ملاقات کیتی۔ ملاقات وچ فریقین پاکستان اَتے یمن وچال ݙو طرفہ تجارت اَتے اقتصادی تعاون مضبوط بݨاوݨ دا عزم کیتا۔ یمنی سفیر ݙوہیں ملکاں دے پراݨے بھرپی دے تعلقات اَتے تجارتی رابطے ودھاوݨ دی خواہش ظاہر کیتی ۔ یمن دے سفیر آکھیا جو تقریباً300 یمنی طلباء ایں ویلھے پاکستان اچ …
وفاقی وزیر تجارت جام کمال خان نال یمن دے سفیر دی ملاقات
اسلام آباد۔ 12 دسمبر (اے پی پی) وفاقی وزیر تجارت جام کمال خان نال یمن دے سفیر محمد مطہر الاشعبی ملاقات کیتی۔ ملاقات وچ فریقین پاکستان اَتے یمن وچال ݙو طرفہ تجارت اَتے اقتصادی تعاون مضبوط بݨاوݨ دا عزم کیتا۔ یمنی سفیر ݙوہیں ملکاں دے پراݨے بھرپی دے تعلقات اَتے تجارتی رابطے ودھاوݨ دی خواہش ظاہر کیتی ۔ یمن دے سفیر آکھیا جو تقریباً300 یمنی طلباء ایں ویلھے پاکستان اچ تعلیم حاصل کریندے پئن جیڑھا ݙوہیں بھرا ملکاں وچال مضبوط عوامی رابطیں دی واضح مثال اے۔ انہاں یمن دی ولوں ݙو طرفہ معاہدیں کوں فعال کرݨ اَتے ادارہ جاتی تعاون ودھاوݨ تے زور ݙِتا۔ملاقات وچ جام کمال خان خطے دے نیڑے دے ملکاں نال تجارت ودھاوݨ دے حکومتی عزم کوں اُجاگر کیتا۔ انہاں آکھیا جو نِکے جہازاں اَتے فیری تے مبنی گھٹ لاڳت آلی شپنگ سروسز دے آغاز تے غور کیتا ویندا پئے جیں نال علاقائی تجارت دے خرچے وچ گھٹکی آسی۔ وزیر تجارت آکھیا جو پاکستان دے ایس ایم ایز یمن، صومالیہ، ایتھوپیا اَتے عمان جیھے نیڑے دے ملکاں دیاں مارکیٹاں توں فیدہ چا سڳدن۔ ݙوہیں ملکاں ادارہ جاتی تعاون دے ودھارے اَتے رابطہ سازی ودھاوݨ تے مکمل اتفاق کیتا۔
