اسلام آباد۔ 12 دسمبر(اے پی پی) وزیرمملکت داخلہ طلال چوہدری نال برطانیہ دی وزیرمملکت (بین الاقوامی ترقی اَتے افریقہ) برونس چیپ مین آف ڈارلنگٹن اسلام آباد اچ ملاقات کیتی جیں وچ پاک-برطانیہ تعلقات اَتے سانجھی دلچسپی دے اہم امور تے ڳالھ مہاڑ کیتی ڳئی ۔ ملاقات وچ سکیورٹی اَتے ݙو طرفہ تعاون کوں مضبوط بݨاوݨ تے خصوصی توجہ ݙتی ڳئی۔ݙوہیں رہنماواں وچال ’’اپ سکیل پروگرام‘‘ دے تحت سنگین جرائم نال …
وزیرمملکت داخلہ طلال چوہدری نال برطانیہ دی وزیر مملکت بیرونس چیپ مین دی ملاقات
اسلام آباد۔ 12 دسمبر(اے پی پی) وزیرمملکت داخلہ طلال چوہدری نال برطانیہ دی وزیرمملکت (بین الاقوامی ترقی اَتے افریقہ) برونس چیپ مین آف ڈارلنگٹن اسلام آباد اچ ملاقات کیتی جیں وچ پاک-برطانیہ تعلقات اَتے سانجھی دلچسپی دے اہم امور تے ڳالھ مہاڑ کیتی ڳئی ۔ ملاقات وچ سکیورٹی اَتے ݙو طرفہ تعاون کوں مضبوط بݨاوݨ تے خصوصی توجہ ݙتی ڳئی۔ݙوہیں رہنماواں وچال ’’اپ سکیل پروگرام‘‘ دے تحت سنگین جرائم نال نبݨݨ دے طریقہ کار کوں مؤثر بݨاوݨ دے نال افغان شہریاں دی برطانیہ منتقلی دے معاملے تے وی اہم ڳالھ مہاڑ تھئی۔ ݙوہیں وزراء علاقائی سکیورٹی صورتحال خاص طور تے افغانستان متعلق امور اَتے برطانیہ کوں بھیجی ڳئی حوالگی دیاں درخواستاں تے تفصیلی ڳالھ مہاڑ کیتی ۔ برونس چیپ مین آف ڈارلنگٹن برطانیہ اَتے پاکستان وچال امیگریشن تعاون کوں بہتر بݨاوݨ کیتے پاکستان ولوں کیتے ڳئے اقدامات دی تعریف کیتی۔وزیرمملکت طلال چوہدری ایں عزم دا اعادہ کیتا جو اپ سکیل پروگرام دے ذریعے سنگین جرائم نال نبݨݨ اَتے سکیورٹی تعاون کوں مزید مؤثر بݨایا ویسی۔ اے ملاقات پاکستان اَتے برطانیہ وچال سکیورٹی، قانونی معاونت اَتے سانجھی ترقی دے شعبیں وچ پراݨے تعلقات کوں مزید مستحکم کرݨ دی اہمیت کوں اُجاگر کریندی اے
