وزیراعظم شہباز شریف دی پاکستان بار کونسل انتخابات وچ انڈیپنڈنٹ گروپ کوں واضح اکثریت حاصل کرݨ تے مبارخ

لاہور۔ 13 دسمبر (اے پی پی) وزیراعظم محمد شہباز شریف پاکستان بار کونسل دے انتخابات وچ انڈیپنڈنٹ گروپ کوں واضح اکثریت حاصل کرݨ تے مبارخ ݙتی اے۔ وزیراعظم احسن بھون اَتے اعظم نذیر تارڑ کوں ممبرز پاکستان بار کونسل منتخب تھیوݨ تے دِلوں مبارخ ݙتی اے۔وزیراعظم دفتر دے میڈیا ونگ توں جاری بیان موجب وزیراعظم احسن بھون اَتے اعظم نذیر تارڑ کوں انڈیپنڈنٹ گروپ دی کامیابی اَتے پورے پاکستان وچ واضح اکثریت حاصل کرݨ تے مبارخ ݙتی۔وزیراعظم شہباز شریف آکھیا جو وکلاء برادری دا انڈیپنڈنٹ گروپ تے اعتماد ایں ڳالھ دا ثبوت اے جو وکلاء آپݨے مسلیں دے حل اَتے آئین و قانون دی بالادستی کیتے سنجیدہ اَتے ذمہ وار قیادت چاھندن۔ وزیرقانون اعظم نذیر تارڑ ہمیشہ وکلاء برادری دے مسلیں دے حل کیتے کوشاں ہن، وزیر قانون کوں ہمیشہ ہدایت کیتی ڳئی اے جو او نہ صرف وکلا نال رابطے وچ رہن بلکہ وکلاء کوں ترجیحی بنیاداں تے انہاں دے حقوق ݙیوݨ وچ کردار ادا کرن۔حکومت وکلاء برادری کوں ریاست دا اہم ستون سمجھدی اے، بار اَتے بینچ وچال ہم آہنگی کوں مضبوط بݨاوݨ کیتے ہر ممکن تعاون جاری رکھیا ویسی۔