روم۔ 14 دسمبر (اے پی پی) وفاقی وزیر قومی ورثہ و ثقافت اورنگزیب خان کھچی سوات وچ اطالوی آثارِ قدیمہ مشن دی 70ویں سالڳنڈھ دے موقع تے منعقدہ تقریب وچ بطور مہمانِ خصوصی اَتے کلیدی مقرر شرکت کیتی۔اَتھاں جاری بیان موجب وفاقی وزیر ایں ویلھے اٹلی دے سرکاری دورے تے ہن جݙاں او آئی سی سی آر او ایم دی جنرل اسمبلی وچ پاکستان دے وفد دی قیادت کریندے پئن۔تقریب …
سوات وچ اطالوی آثار قدیمہ مشن دی70ویں سالڳنڈھ، وفاقی وزیر قومی ورثہ اَتے ثقافت اورنگزیب خان کھچی دی تقریب وچ شرکت، پاک اٹلی تعاون تے زور
روم۔ 14 دسمبر (اے پی پی) وفاقی وزیر قومی ورثہ و ثقافت اورنگزیب خان کھچی سوات وچ اطالوی آثارِ قدیمہ مشن دی 70ویں سالڳنڈھ دے موقع تے منعقدہ تقریب وچ بطور مہمانِ خصوصی اَتے کلیدی مقرر شرکت کیتی۔اَتھاں جاری بیان موجب وفاقی وزیر ایں ویلھے اٹلی دے سرکاری دورے تے ہن جݙاں او آئی سی سی آر او ایم دی جنرل اسمبلی وچ پاکستان دے وفد دی قیادت کریندے پئن۔تقریب توں خطاب کریندے وفاقی وزیر پاکستان اَتے اٹلی وچال آثارِ قدیمہ اَتے ثقافتی ورثے دے تحفظ دے حوالے نال پراݨی سانجھے داری دی تعریف کیتی اَتے ایں کوں سانجھے تاریخی ورثے دے تحفظ کیتے ٻہوں اہم قرار ݙِتا۔ انہاں ݙوہیں ملکاں وچال سانجھا تعاون، تعلیمی تبادلیں اَتے ادارہ جاتی رابطیں کوں مزید ودھاوݨ کیتے جاری اقدامات تے وی روشنی پاتی۔ وفاقی وزیر آکھیا جو پاکستان آثارِ قدیمہ دی تحقیق، تحفظ اَتے تعلیم دے ودھارے کیتے پُرعزم اے اَتے ایں شعبے وچ اٹلی نال تعاون ودھاوݨ چاہندے۔ایں تقریب دا انعقاد اٹلی دی انٹرنیشنل ایسوسی ایشن فار میڈیٹیرینین اینڈ اورینٹل اسٹڈیز دی طرفوں کیتا ڳیا، جیں وچ اٹلی دی وزارتِ خارجہ دے تحت اطالوی ایجنسی ترقیاتی تعاون اَتے یونیورسٹی آف وینس تعاون کیتا۔تقریب وچ پاکستان وچ قائم اطالوی آثارِ قدیمہ مشن کوں خراجِ تحسین پیش کیتا ڳیا، جیں دی بنیاد ممتاز اطالوی ماہرِ آثارِ قدیمہ جوسیپے ٹوچی 1955 وچ رکھی ہئی۔ تقریب دی نظامت معروف ماہرِ آثارِ قدیمہ پروفیسر لوکا ماریا اولیویری (ستارۂ امتیاز) کیتی۔
