ریاض۔ 15 دسمبر(اے پی پی)وفاقی وزیر برائے موسمیاتی تبدیلی و ماحولیاتی ہم آہنگی ڈاکٹر مصدق ملک آکھیے جو پاݨی دے منصفانہ اَتے منظم استعمال دے بغیر علاقائی استحکام، پائیدار ترقی اَتے انسانی سلامتی ممکن کائنی، دنیا کوں مکالمے، امن، ہم آہنگی اَتے باہمی احترام دے اصولاں تے ٹرݨ دا عزم کرݨا ہوسی۔ اے ڳالھ انہاں سعودی عرب دے دارالحکومت ریاض اچ اقوامِ متحدہ دے اتحادِ تہذیباں (یو این اے او …
پاݨی دے منصفانہ اَتے منظم استعمال دے بغیر علاقائی استحکام، پائیدار ترقی اَتے انسانی سلامتی ممکن کائنی، ڈاکٹر مصدق ملک
ریاض۔ 15 دسمبر(اے پی پی)وفاقی وزیر برائے موسمیاتی تبدیلی و ماحولیاتی ہم آہنگی ڈاکٹر مصدق ملک آکھیے جو پاݨی دے منصفانہ اَتے منظم استعمال دے بغیر علاقائی استحکام، پائیدار ترقی اَتے انسانی سلامتی ممکن کائنی، دنیا کوں مکالمے، امن، ہم آہنگی اَتے باہمی احترام دے اصولاں تے ٹرݨ دا عزم کرݨا ہوسی۔ اے ڳالھ انہاں سعودی عرب دے دارالحکومت ریاض اچ اقوامِ متحدہ دے اتحادِ تہذیباں (یو این اے او سی) دے 11 ویں عالمی فورم نال خطاب اچ آکھی۔ ڈاکٹر مصدق ملک پاݨی دے حقوق دی اہمیت ودھیندے آکھیا جو اُتلے دریا کنارے ملکاں دی اے ذمہ واری اے جو او ہیٹھلے دریا کنارے ملکاں دے حقوق دا احترام کرن۔ انہاں آکھیا جو کُڄھ موقعیاں تے ݙو طرفہ تعاون دی جاڳ تے ھک طرفہ اقدامات کیتے ویندے پئن جیڑھے عالمی امن اَتے انصاف کیتے چنتے آلی ڳالھ اے۔ انہاں آکھیا جو حقوق اَتے انصاف دے اصولاں دا اطلاق بغیر فرق دے تھیوݨا چاھیدے۔
