اسلام آباد۔ 15 دسمبر(اے پی پی)وزیر اعظم محمد شہباز شریف بجلی دی ترسیل کار کمپنیاں (ڈسکوز) اَتے پیداواری کمپنیاں (جینکوز) دی نجکاری دے عمل کوں تیکھا کرݨ دی ہدایت کریندے آکھیے جو بجلی دے نظام دی نجکاری نال ملک اچ مسابقت تے مبنی بجلی دی مارکیٹ بݨاوݨ ہی ملک اچ توانائی دے مسلیاں دا پائیدار حل اے۔ وزیر اعظم آفس دے میڈیا ونگ توں جاری بیان دے مطابق، وزیر اعظم …
وزیر اعظم دی بجلی دیاں ترسیل کار کمپنیاں اَتے پیداواری کمپنیاں دی نجکاری دے عمل کوں تیکھا کرݨ دی ہدایت
اسلام آباد۔ 15 دسمبر(اے پی پی)وزیر اعظم محمد شہباز شریف بجلی دی ترسیل کار کمپنیاں (ڈسکوز) اَتے پیداواری کمپنیاں (جینکوز) دی نجکاری دے عمل کوں تیکھا کرݨ دی ہدایت کریندے آکھیے جو بجلی دے نظام دی نجکاری نال ملک اچ مسابقت تے مبنی بجلی دی مارکیٹ بݨاوݨ ہی ملک اچ توانائی دے مسلیاں دا پائیدار حل اے۔ وزیر اعظم آفس دے میڈیا ونگ توں جاری بیان دے مطابق، وزیر اعظم دی زیر صدارت بجلی دے شعبے اچ اصلاحات دے حوالے نال جائزہ اجلاس تھیا۔ وزیر اعظم بجلی دی ترسیل دے نظام کوں مزید بہتر بݨاوݨ کیتے متعلقہ ترقیاتی منصوبیاں کوں ترجیحی بنیاداں تے مکمل کرݨ دی ہدایت کیتی۔ انہاں آکھیا جو بجلی دے نظام کوں نویں دور دے تقاضیاں نال ہم آہنگ کرݨ کیتے بیٹری انرجی سٹوریج سسٹم، پبلک پرائیویٹ پارٹنرشپ اَتے نجی شعبے دی شمولیت نال کَم شروع کیتا ونڄے۔ بریفنگ اچ ݙسایا ڳیا جو ترائے ترسیل کار کمپنیاں آئیسکو، فیسکو اَتے گیپکو دی نجکاری دے حوالے نال اقدامات جاری ہن اَتے ایکسپریشن آف انٹرسٹ تیکھے شائع ہوسن۔ وزیر اعظم آکھیے جو بجلی دے نظام دی نجکاری نال ملک اچ مسابقت تے مبنی بجلی دی مارکیٹ بݨاوݨ ہی ملک اچ توانائی دے مسلیاں دا پائیدار حل اے، بجلی دیاں ترسیل کار کمپنیاں (ڈسکوز) اَتے پیداواری کمپنیاں (جینکوز) دی نجکاری دے عمل کوں تیکھا کرن۔
