پاکستان دی مسلح افواج جدید ترین حربی صلاحیتاں تے کثیر جہتی جنگ دے چیلنجز نال نبڑݨ کیتے تیزی نال ارتقائی مراحل طے کریندی پئن، فیلڈ مارشل عاصم منیر

راولپنڈی۔ 29 جنوری (اے پی پی) چیف آف ڈیفنس فورسز تے آرمی چیف، فیلڈ مارشل عاصم منیر آکھیے جو مستقبل دے میدانِ جنگ اچ ٹیکنالوجی تے مبنی حکمتِ عملی جسمانی نقل تے حرکت دی ڄاہ گھنسی ، جیندے پیشِ نظر پاکستان دی مسلح افواج جدید ترین حربی صلاحیتاں تے کثیر جہتی جنگ دے چیلنجز نال نبڑݨ کیتے تیزی نال ارتقائی مراحل طے کریندیاں پئن۔ اے ڳالھیں انھاں بہاولپور گیریژن دے دورے تے خیرپور ٹامیوالی اچ اعلیٰ سطح دی فیلڈ مشقاں دے مشاہدے دے موقع تے جواناں نال خطاب کریندے ہوئیں کیتا۔ آئی ایس پی آر دے مطابق، ایں موقع تے فیلڈ مارشل عاصم منیر کوں کور دے مختلف آپریشنل، تربیتی تے انتظامی پہلواں، بالخصوص کثیر جہتی جنگ دی تیاریاں تے تفصیلی بریفنگ ݙتی ڳئی۔ آرمی چیف خیرپور ٹامیوالی اچ اعلیٰ سطح دی فیلڈ مشق “استقامتِ عزم” دا مشاہدہ کیتا۔ انھاں مشقاں اچ ڈرونز، جدید ترین نگرانی دے آلات، الیکٹرانک وارفیئر دے اثاثیاں تے کمانڈ اینڈ کنٹرول دے جدید میکانزم جیہڑی جدید ٹیکنالوجیز دے انضمام دا مظاہرہ کیتا ڳیا، جیہڑا مسلح افواج دی ٹیکنالوجی تے مبنی کثیر جہتی آپریشنز تے توجہ دی عکاسی کریندے۔ فوجی جواناں نال خطاب کریندیں ہوئیں آرمی چیف انھاں دے بلند حوصلے، پیشہ ورانہ مہارت تے آپریشنل تیاریاں کوں سراہیا۔ انھاں ایں عزم دا اعادہ کیتا جو پاکستان دی مسلح افواج وطنِ عزیز دی خودمختاری تے علاقائی سالمیت دے دفاع کیتے ہر قسم دے خطرات دے خلاف مکمل طور تے تیار ہن۔ انھاں مستقبل دے میدانِ جنگ دے تقاضیاں تے سکیورٹی چیلنجز نال نبڑݨ کیتے ہر ویلھے تیار رہݨ دی ضرورت تے زور ݙتا۔ فیلڈ مارشل عاصم منیر ایں ڳالھ تے روشنی پاتی جو پاکستان دی مسلح افواج متعدد شعبیاں اچ وݙی تبدیلیاں دے عمل توں گزردیاں پئن۔ جنگ دی نوعیت اچ وݙے پیمانے تے تبدیلی آئی اے، جتھاں ٹیکنالوجی دی ترقی ارتقا دا باعث بݨدی پئی اے تے ہر سطح تے ذہنی تبدیلی دا تقاضا کریندی اے پئی۔ این توں پہلے آرمی چیف “روہی ای-اسکلز لرننگ ہب” (STP) دا افتتاح کیتا، جیندے مقصد ملک بھر، بالخصوص جنوبی پنجاب دے طلبا کیتے ڈیجیٹل مہارتاں تے سکھݨ دے موقع فراہم کرݨ اے پیا۔ انھاں اے پی ایس عباسیہ کیمپس دا وی افتتاح کیتا، جیہڑا معیاری تعلیم تے کردار سازی دے حوالے نال پاک فوج دے عزم دا ثبوت اے ۔ بعد اوچ، آرمی چیف ای ایم ای ریجنل ورکشاپ دا دورہ کیتا۔ بہاولپور گیریژن پجݨ تے کور کمانڈر بہاولپور آرمی چیف دا استقبال کیتا۔ انھاں یادگارِ شہدا تے پھلاں دی چادر چڑھائی تے فاتحہ خوانی کیتی۔