کولمبو۔ 29 جنوری (اے پی پی) وزیراعظم دے معاونِ خصوصی برائے صنعت تے پیداوار ہارون اختر خان خمیس دے ݙینہہ سری لنکا دے اعلیٰ سطحی وزارتی وفد نال ملاقات کیتی، جیندے اچ ݙوپاسہ تعلقات بالخصوص تجارت، صنعت، سرمایہ کاری تے جدید ٹیکنالوجی دے شعبیاں اچ تعاون ودھاوݨ تے تفصیلی ڳالھ مہاڑ کیتی ڳئی۔ صنعت و پیداوار ولوں جاری بیان دے مطابق ملاقات اچ سری لنکا دے وزیرِ تجارت، وزیرِ صنعت …
وزیراعظم دے معاونِ خصوصی برائے صنعت تے پیداوار نال سری لنکا دے وزارتی وفد دی ملاقات، مختلف شعبیاں اچ آپسی تعاون ودھاوݨ تے ڳالھ مہاڑ
مزید خبراں
کولمبو۔ 29 جنوری (اے پی پی) وزیراعظم دے معاونِ خصوصی برائے صنعت تے پیداوار ہارون اختر خان خمیس دے ݙینہہ سری لنکا دے اعلیٰ سطحی وزارتی وفد نال ملاقات کیتی، جیندے اچ ݙوپاسہ تعلقات بالخصوص تجارت، صنعت، سرمایہ کاری تے جدید ٹیکنالوجی دے شعبیاں اچ تعاون ودھاوݨ تے تفصیلی ڳالھ مہاڑ کیتی ڳئی۔ صنعت و پیداوار ولوں جاری بیان دے مطابق ملاقات اچ سری لنکا دے وزیرِ تجارت، وزیرِ صنعت تے نائب وزیرِ صحت شریک ہن۔ ایں موقع تے معاونِ خصوصی ہارون اختر خان آکھیے جو وزیراعظم پاکستان دے وژن دے مطابق خطے اچ معاشی تعاون، آپسی تجارت تے سرمایہ کاری دے فروغ کوں ترجیح ݙتی ویندی پئی اے۔ انھاں آکھیے جو پاکستان تے سری لنکا دے تاریخی تے برادرانہ تعلقات کوں ہݨ ہک اسٹریٹجک اکنامک پارٹنرشپ اچ بدلݨ دی خواہش اے ۔ سری لنکن وزراء وی ایں ڳالھ تے اتفاق کیتا جو ݙوہیں ملکاں دی دوستی ہݨ ہک مضبوط معاشی شراکت داری اچ بدلدی پئی اے۔
