اسلام آباد۔ 29 جنوری (اے پی پی)ترجمان دفتر خارجہ طاہر حسین اندرابی آکھیے جو پاکستان دا غزہ بورڈ آف پیس اچ رلݨ دا فیصلہ نیک نیتی دے تحت کیتا ڳئے تاں جو جنگ بندی کوں اڳونہا کیتا ونڄ سڳے، غزہ دی تعمیرِ نو اچ مدد کیتی ونڄ سڳے اتے مسئلہ فلسطین دے منصفانہ اتے دیرپا حل کوں اڳوں ودھایا ونڄے۔ خمیس کوں اسلام آباد اچ ہفتہ وار پریس بریفنگ اچ …
غزہ بورڈ آف پیس اچ رلݨ دا فیصلہ نیک نیتی نال کیتا ڳئے، ترجمان دفترِ خارجہ
مزید خبراں
اسلام آباد۔ 29 جنوری (اے پی پی)ترجمان دفتر خارجہ طاہر حسین اندرابی آکھیے جو پاکستان دا غزہ بورڈ آف پیس اچ رلݨ دا فیصلہ نیک نیتی دے تحت کیتا ڳئے تاں جو جنگ بندی کوں اڳونہا کیتا ونڄ سڳے، غزہ دی تعمیرِ نو اچ مدد کیتی ونڄ سڳے اتے مسئلہ فلسطین دے منصفانہ اتے دیرپا حل کوں اڳوں ودھایا ونڄے۔ خمیس کوں اسلام آباد اچ ہفتہ وار پریس بریفنگ اچ طاہر حسین اندرابی آکھیے جو ایں اقدام کوں اٹھ عرب اتے اسلامی ملکاں دی سانجھی کوشش دے طور تے ݙیکھݨا چاہیدے۔ انھاں زور ݙتا جݙاں ٻئے بین الاقوامی طریقے غزہ اچ تباہی روکݨ اچ ناکام تھی ڳئن، تاں بورڈ آف پیس امید دی ہک کرن اے۔ ترجمان انھاں خبراں کوں مسترد کر ݙتا جو پاکستان دی شمولیت کہیں “ابراہیم معاہدے” نال جڑی ہوئی اے، انھاں آکھیے جو پاکستان دے اصولی موقف اچ کوئی تبدیلی نئیں آئی۔ پاکستان 1967ء توں پہلے دی سرحداں دے مطابق آزاد فلسطینی ریاست دا حامی اے جیندا دارالحکومت القدس الشریف ہووے۔ ترجمان آکھیے جو بورڈ دی رکنیت دا مطلب کہیں کوں فوجی دستے ݙیوݨ نئیں۔ بریفنگ اچ وزیراعظم شہباز شریف دے ڈیووس دورے اتے صدرِ مملکت آصف علی زرداری دے یو اے ای دورے دا وی ذکر کیتا ڳیا۔ امریکی ٹریول ایڈوائزری بارے انھاں آکھیے جو پاکستان سیاحت کیتے ہک محفوظ اتے پرامن ملک اے۔ ایران دی صورتحال تے انھاں آکھیے جو پاکستان امن اتے سفارت کاری دا حامی اے اتے خطہ مزید کشیدگی دا متحمل نئیں تھی سڳدا۔
