وزیراعظم شہباز شریف دی کرکٹ ٹیم کوں مبارکباد

اسلام آباد۔30 جنوری(اے پی پی)وزیراعظم محمد شہباز شریف پاکستان اتے آسٹریلیا وچال ٹی ٹونٹی سیریز دے پہلے میچ اچ فتح تے پاکستانی کرکٹ ٹیم دی شاندار کارکردگی دی تعریف کریندے کرکٹ شوقیناں کوں مبارکباد ݙتی اے۔ وزیراعظم دا آکھݨ ہا جو پاکستانی ٹیم دے شاہیناں، خاص طور تے بالرز کمال کھیڈ ݙکھائے۔ انہاں آکھیے جیکر ٹیم ایویں ہی محنت کریندی رہی تاں پوری سیریز جیتݨ دی صلاحیت رکھیندی اے۔ وزیراعظم دے مطابق ہک عرصے بعد آسٹریلیا جھئیں تکڑی ٹیم کوں ہراوݨ کھلاڑیاں دی محنت دا نتیجہ اے۔ انہاں پی سی بی چیئرمین محسن نقوی اتے کوچز دی وی تعریف کیتی اے اتے آکھیے جو ٹیم دی اے کامیابی ساریاں دی سانجھی محنت دا ثمر اے۔