بلوچستان اچ سیکورٹی فورسز دیاں تکڑیاں کارروائیاں: 41 دہشت گرد ہلاک، آئی ایس پی آر

اسلام آباد۔ 30 جنوری(اے پی پی) کیورٹی فورسز بلوچستان اچ ݙو مختلف کارروائیاں کیتن جیندے اچ 41 دہشت گرداں کوں ہلاک کر ݙتا ڳئے۔ آئی ایس پی آر دے مطابق پہلا آپریشن ضلع ہرنائی دے نیڑے کیتا ڳیا جتھاں فوج دے دستیاں تکڑی کارروائی کریندے ہوئیں 30 خارجیاں کوں جہنم واصل کیتے۔ انہاں دے قبضے توں بھاری مقدار اچ اسلحہ اتے بارود وی برآمد تھئے جیکوں موقعے تے ہی تباہ کر ݙتا ڳئے۔ ݙوجھا آپریشن ضلع پنجگور اچ کیتا گیا جتھاں 11 ٻئے دہشت گرد مارے گئن۔ آئی ایس پی آر دا آکھݨ اے جو انہاں دہشت گرداں توں او رقم وی برآمد تھئی اے جیڑھی 15 دسمبر 2025 کوں پنجگور دے ہک بینک توں لٹی گئی ہئی۔ علاقے اچ مزید کہیں وی دہشت گرد دے خاتمے کیتے سرچ آپریشن جاری اے۔ سکیورٹی فورسز دا آکھݨ اے جو “عزمِ استحکام” دے تحت اے مہم پوری قوت نال جاری رہسی تاں جو ملک توں دہشت گردی دی لعنت دا مکمل خاتمہ تھی سڳے۔