بلوچستان اچ دہشت گرد حملے ناکام، امن بحال اے: خواجہ آصف

سیالکوٹ۔ 1 فروری(اے پی پی) وفاقی وزیر دفاع خواجہ محمد آصف آکھیے جو بلوچستان اچ 12 مختلف مقامات تے دہشت گردی دیاں کوششاں کوں مکمل طور تے ناکام ٻݨا ݙتے ڳئے۔ انھاں آکھیا جو ایں ویلھے پورے بلوچستان اچ امن قائم اے اتے فورسز دشمن کوں مکاوݨ کیتے آپریشن کریندیاں پئن۔ سیالکوٹ اچ پریس کانفرنس کریندے ہوئیں خواجہ آصف آکھیا جو بی ایل اے (BLA) دراصل ہندوستان دی پراکسی اے اتے گرفتار دہشت گرداں دے بیانات نال ثابت تھیندے جو انھاں دے تانے بانے بھارت نال ملدن۔ انھاں ݙسایا جو سکیورٹی فورسز ویلھے تے کارروائی کر تے 100 توں ودھ دہشت گرداں کوں جہنم واصل کیتے، جڈاں جو 11 جواناں جامِ شہادت نوش کیتے۔ انھاں واضح کیتا جو دہشت گردی دے خلاف جنگ اچ کوئی سیاسی مفاد کائنی، صرف وطن نال وفاداری اے اتے آخری دہشت گرد دے خاتمے تئیں اے جنگ جاری رہسی تاں جو ملک محفوظ ہووے۔