بلوچستان اچ غیر ملکی سازش ناکام، 22 دہشت گرد جہنم واصل

اسلام آباد۔2 فروری(اے پی پی) وفاقی وزیر داخلہ محسن نقوی آکھیے جو سکیورٹی فورسز بلوچستان اچ بدامنی کھنݙاوݨ دی ہک وݙی غیر ملکی سازش کوں منݙھو مکا چھوڑیے، بلوچستان اچ امن کیتے اساں کہیں وی حد تئیں ویسوں۔ وفاقی وزیر داخلہ محسن نقوی تصدیق کیتی جو سکیورٹی فورسز، پولیس اتے انٹیلی جنس ایجنسیاں دے سانجھے آپریشن اچ “فتنہ الہندوستان” نال تعلق رکھݨ والے 22 دہشت گرد ہلاک تھی گئن۔ انہاں آکھیا جو ریاست دی رٹ کوں چیلنج کرݨ والیاں کیتے ہݨ کوئی ڄاہ کائنی اتے دہشت گرداں دے سہولت کاراں دے خاتمے تئیں آپریشن جاری رہسی۔