اسلام آباد۔ 3 فروری(اے پی پی) آذربائیجان نیول فورسز دے کمانڈر، ریئر ایڈمرل شاہین محمدوف وفاقی وزیرِ دفاع خواجہ محمد آصف نال ملاقات کیتی اے۔ ترجمان وزارتِ دفاع دے مطابق ایں ملاقات اچ ݙوہیں فریقین پاکستان اتے آذربائیجان وچال قریبی اتے برادرانہ تعلقات دا اعادہ کیتے۔ انہاں دفاعی تعاون دی موجودہ صورتحال تے اطمینان کریندے باہمی دلچسپی دے معاملیاں، خاص طور تے بحری تعاون اتے علاقائی سمندری سلامتی تے تفصیلی …
وزیرِ دفاع خواجہ آصف نال کمانڈر آذربائیجان نیول فورسز دی ملاقات
مزید خبراں
اسلام آباد۔ 3 فروری(اے پی پی) آذربائیجان نیول فورسز دے کمانڈر، ریئر ایڈمرل شاہین محمدوف وفاقی وزیرِ دفاع خواجہ محمد آصف نال ملاقات کیتی اے۔ ترجمان وزارتِ دفاع دے مطابق ایں ملاقات اچ ݙوہیں فریقین پاکستان اتے آذربائیجان وچال قریبی اتے برادرانہ تعلقات دا اعادہ کیتے۔ انہاں دفاعی تعاون دی موجودہ صورتحال تے اطمینان کریندے باہمی دلچسپی دے معاملیاں، خاص طور تے بحری تعاون اتے علاقائی سمندری سلامتی تے تفصیلی ڳالھ مہار کیتی۔ وزیرِ دفاع خواجہ آصف ݙوہیں ملکاں دی مسلح افواج وچال پیشہ ورانہ رابطیاں تے زور ݙیندے آکھیا جو مشترکہ تربیت نال باہمی ہم آہنگی ٻئی تکڑی تھیسی۔ ترجمان وزارتِ دفاع دے مطابق، معزز مہمان خطے اچ امن تے استحکام کیتے پاکستان دے کردار دی تعریف کیتی۔ آذری نیول فورسز دے کمانڈر آکھیا جو او پاکستان نال دفاعی اتے بحری تعاون کوں مزید ودھاوݨ چاہندن جیندے نال ݙوہیں ملکاں کوں فائدہ تھیسی۔
