وزیراعظم محمد شہباز شریف دی دعوت تے ازبکستان دے صدر شوکت مرزایوف 5 توں 6 فروری تئیں پاکستان دا سرکاری دورہ کریسن

اسلام آباد۔ 4 فروری(اے پی پی) وزیراعظم محمد شہباز شریف دی دعوت تے ازبکستان دے صدر شوکت مرزایوف 5 توں 6 فروری تئیں پاکستان دا سرکاری دورہ کریسن۔ او ہک اعلیٰ سطح وفد دی قیادت کریسن جیندے اچ وفاقی کابینہ دے سینئر وزراء اتے کاروباری شخصیات شامل تھیسن۔ دفتر خارجہ توں جاری بیان دے مطابق ازبکستان دے صدر وزیراعظم نال وفود دی سطح تے مذاکرات کرݨ سودھا صدر مملکت نال وی ملسن اتے پاک-ازبکستان بزنس فورم نال خطاب کریسن۔ ایں موقع تے ݙوطرفہ تعلقات دے سارے پہلوواں دا جائزہ ڳھدا ویسی اتے تجارت، توانائی، دفاع، تعلیم، عوامی و علاقائی روابط سودھا مختلف شعبیاں اچ تعاون ٻیا تکرا کرݨ دی راہ کݙھی ویسی۔ ازبکستان دے صدر دا پاکستان دا اے ݙوجھا دورہ اے جیہڑا ݙوہیں ٻھرا ملکاں دے برادرانہ تعلقات دی عکاسی کریندے۔