نیشنل کاؤنٹر ٹیررازم سینٹر پبی اچ نویں بین الاقوامی ’’پاکستان آرمی ٹیم سپرٹ‘‘ مقابلے

راولپنڈی۔ 4 فروری (اے پی پی) نویں بین الاقوامی پاکستان آرمی ٹیم سپرٹ مقابلے 2026 دی افتتاحی تقریب نیشنل کاؤنٹر ٹیررازم سینٹر پبی اچ تھئی۔ ایں مقابلے دا مقصد دوست ملکاں دے فوجی دستیاں وچال باہمی عسکری تعاون کوں ودھاوݨ اے۔ آئی ایس پی آر دے مطابق افتتاحی تقریب دے نال ہی 60 گھنٹے طویل ’’پٹرولنگ مشق‘‘ دا آغاز تھی ڳئے۔ ایں مقابلے اچ 19 دوست ملکاں دیاں مجموعی طور تے 24 بین الاقوامی ٹیماں اتے فوجی مبصرین شریک ہن۔ حصہ گھنݨ والے ملکاں اچ بحرین، بنگلہ دیش، بیلاروس، مصر، عراق، اردن، سعودی عرب، ملائیشیا، مالدیپ، مراکش، نیپال، قطر، سری لنکا، ترکیہ، امریکہ تے ازبکستان شامل ہن۔ ایندے توں علاوہ انڈونیشیا، میانمار اتے تھائی لینڈ بطور مبصر مشقاں اچ حصہ ڳھندے پئن۔ ملکی سطح تے پاک فوج اتے پاک بحریہ دیاں 16 ٹیماں مقابلے اچ شامل ہین جݙاں جو پاک فضائیہ دے مبصرین وی انھاں مشقاں دا حصہ ہن۔ اے مشق اعلیٰ درجے دی جسمانی فٹنس، ذہنی استقامت اتے عسکری مہارت منڳدی اے۔