ازبکستان دے صدر شوکت مرزائیوف دا وزیرِ اعظم ہاؤس پڄݨ تے پرتپاک استقبال

اسلام آباد۔ 5 فروری (اے پی پی) ازبکستان دے صدر شوکت مرزائیوف دا وزیرِ اعظم ہاؤس آوݨ تے پرتپاک استقبال کیتا گیا، وزیرِ اعظم محمد شہباز شریف معزز مہمان دا خیر مقدم کیتا، ݙوہیں رہنماواں گرمجوشی نال مصافحہ کیتا۔ وزیرِ اعظم ہاؤس اچ ازبکستان دے صدر دے اعزاز اچ باضابطہ استقبالیہ تقریب تھئی اتے ݙوہیں ملکاں دے قومی ترانے وجائے گئے۔ مسلح افواج دے چاق و چوبند دستے ازبکستان دے صدر کوں گارڈ آف آنر پیش کیتا۔ شوکت مرزائیوف گارڈ آف آنر دا معائنہ کیتا۔

وزیرِ اعظم شہباز شریف کابینہ دے ارکان کوں ازبکستان دے صدر نال متعارف کرایا جݙاں جو شوکت مرزائیوف اپݨے وفد دے ارکان دا وزیرِ اعظم محمد شہباز شریف توں تعارف کرایا۔ شوکت مرزائیوف دے کٹھے اعلیٰ سطح دا وفد وی پاکستان آیا ہوئے جیندے اچ وفاقی کابینہ دے سینئر وزراء اتے کاروباری شخصیات شامل ہن۔ ازبکستان دے صدر وزیرِ اعظم نال وفود دی سطح تے مذاکرات اچ شرکت سودھا صدرِ مملکت نال ملاقات کریسن اتے پاک-ازبکستان بزنس فورم نال خطاب وی کریسن اتے ݙو طرفہ تعلقات دے پہلوواں دا جائزہ گھدا تھیسی اتے تجارت، توانائی، دفاع، تعلیم، عوامی روابط تے علاقائی روابط سودھا مختلف شعبیاں اچ تعاون ٻیا تکڑا کرݨ کیتے نویں راہیں ڳولیان ویسن۔ ازبکستان دے صدر شوکت مرزائیوف دا پاکستان دا اے ݙوجھا دورہ اے جیڑھا پاکستان اتے ازبکستان دے ݙو طرفہ تعلقات اچ مثبت پیش رفت اتے ݙوہیں ملکاں وچال برادرانہ تعلقات دی عکاسی کریندے۔