اسلام آباد۔ 5 فروری (اے پی پی): صدرِ مملکت آصف علی زرداری بلوچستان اچ آپریشن ردّ الفتنہ-1 دی کامیاب تکمیل تے سکیورٹی فورسز تے قانون نافذ کرݨ والے اداریاں کوں خراجِ تحسین پیش کیتے۔ صدرِ مملکت آکھیا جو سکیورٹی فورسز دی ویلھے سر کارروائی نال فتنہ الہندوستان ولوں بلوچستان دے امن کوں سبوتاژ کرݨ دی مذموم کوشش ناکام تھئی اے، ملک توں بیرونی پشت پناہی اچ تھیوݨ والی دہشت …
صدرِ مملکت دا بلوچستان اچ آپریشن ردّ الفتنہ-1 دی کامیاب تکمیل تے سکیورٹی فورسز کوں خراج تحسین
مزید خبراں
اسلام آباد۔ 5 فروری (اے پی پی): صدرِ مملکت آصف علی زرداری بلوچستان اچ آپریشن ردّ الفتنہ-1 دی کامیاب تکمیل تے سکیورٹی فورسز تے قانون نافذ کرݨ والے اداریاں کوں خراجِ تحسین پیش کیتے۔ صدرِ مملکت آکھیا جو سکیورٹی فورسز دی ویلھے سر کارروائی نال فتنہ الہندوستان ولوں بلوچستان دے امن کوں سبوتاژ کرݨ دی مذموم کوشش ناکام تھئی اے، ملک توں بیرونی پشت پناہی اچ تھیوݨ والی دہشت گردی دا مکمل خاتمہ ساݙی ترجیح اے۔ صدرِ مملکت آکھیا جو خوشی اے جو انٹیلی جنس تے مبنی مربوط کارروائیاں نال بیرونی پشت پناہی اچ سرگرم دہشت گرد نیٹ ورکس دی قیادت اتے صلاحیت دی کنݙھ ٻھن ݙتی گئی اے۔ انہاں آپریشن اچ شہید تھیوݨ والے معصوم شہریاں اتے سکیورٹی اہلکاراں کوں خراجِ عقیدت پیش کریندے انہاں دے اہل خانہ نال ہمدردی کیتی اتے آکھیے جو قوم اپݨے شہدا دی قربانیاں کوں سلام پیش کریندی اے۔
