پاکستان اتے ازبکستان وچال 28 معاہدیاں اتے مفاہمتی یادداشتاں دا تبادلہ

اسلام آباد۔ 5 فروری(اے پی پی) پاکستان اے ازبکستان مختلف شعبیاں اچ 28 معاہدیاں اتے مفاہمتی یادداشتاں دا تبادلہ کیتے۔ وزیرِ اعظم شہباز شریف اتے صدرِ ازبکستان مشترکہ اعلامیے تے دستخط کیتے۔ پاکستان اتے ازبکستان دے یادداشتاں دے تبادلے دی تقریب وزیرِ اعظم ہاؤس اسلام آباد اچ تھئی۔ ݙوہیں ملکاں دی وزارتِ خارجہ وچال تعاون ودھاوݨ دی مفاہمتی یادداشت دا تبادلہ تھیا اتے انٹر ریجنل فورم دے قیام دا معاہدہ کیتا گیا۔ ݙوہاں ملکاں سزا یافتہ افراد دے تبادلے کیتے معاہدے اتے آئی ٹی دے شعبے اچ تعاون ودھاوݨ کیتے مفاہمتی یادداشت دا تبادلہ کیتا۔ ادویہ سازی دے شعبے اچ تعاون کیتے ݙوہیں ملکاں وچال مفاہمتی یادداشت دا تبادلہ تھیا۔ فریقین نشہ آور ادویات دی سمگلنگ روکݨ دا معاہدہ کیتا۔ مفاہمتی یادداشتاں تے دستخط دی تقریب نال خطاب اچ وزیرِ اعظم پاکستان شہباز شریف آکھیا جو پاکستان اتے ازبکستان وچال دوستی باہمی احترام، اعتماد اتے مشترکہ مفادات تے مبنی اے، ݙوہیں ملک خطے اچ امن، استحکام اتے خوشحالی کیتے مل تے کم کریسن۔ وزیرِ اعظم شہباز شریف کشمیر اتے فلسطین دے عوام کیتے حمایت تے ازبکستان دا شکریہ ادا کریندے ہوئیاں آکھیا جو پاکستان خطے اچ دیرپا امن اتے ترقی کیتے مشترکہ کوششاں تے یقین رکھدے۔