صدر مملکت آصف علی زرداری دا تاجکستان دے صدر ولوں اسلام آباد اچ دہشت گردی واقعے دے بعد پرچاوݨی اتے یکجہتی تے اظہار تشکر

اسلام آباد۔ 7 فروری(اے پی پی)صدر مملکت آصف علی زرداری تاجکستان دے صدر امام علی رحمان ولوں اسلام آباد اچ دہشت گردی دے افسوسناک واقعے دے بعد پرچاوݨی ݙیوݨ اتے یکجہتی کرݨ تے تاجک صدر دا شکریہ ادا کیتے۔ صدر مملکت ایکس تے ہک پوسٹ اچ آکھیا جو پاکستان تاجکستان دے دہشت گردی دے خلاف واضح موقف دی قدر کریندے۔ انہاں آکھیا جو اساں ایں گھناؤنے فعل دی مذمت کریندے ہیں اتے ایں المناک حملے اچ جاں بحق تھیوݨ والیاں معصوم جاناں دے احترام اچ متحد ہیں۔