اسلام آباد۔ 7 فروری(اے پی پی) نائب وزیراعظم اتے وزیرِ خارجہ سینیٹر محمد اسحاق ڈار آکھیے جو میں اپݨے ہم منصب نائب وزرائے اعظم، وزرائے خارجہ، عالمی رہنماواں اتے دوست ملکاں دے خارجہ دفاتر دا شکر گزار ہاں جنہاں اسلام آباد اچ جمعہ کوں تھیوݨ والے بہیمانہ بم دھماکے دے بعد تعزیت، دعاواں اتے یکجہتی دے سنیہے ٻھیڄن۔ سماجی ویب ایکس تے ہک پوسٹ اچ انہاں آکھیا جو ایں اوکھے …
نائب وزیراعظم اسحاق ڈار دا اسلام آباد اچ دہشت گرد حملے دے بعد عالمی برادری ولوں حمایت تے اظہار تشکر
مزید خبراں
اسلام آباد۔ 7 فروری(اے پی پی) نائب وزیراعظم اتے وزیرِ خارجہ سینیٹر محمد اسحاق ڈار آکھیے جو میں اپݨے ہم منصب نائب وزرائے اعظم، وزرائے خارجہ، عالمی رہنماواں اتے دوست ملکاں دے خارجہ دفاتر دا شکر گزار ہاں جنہاں اسلام آباد اچ جمعہ کوں تھیوݨ والے بہیمانہ بم دھماکے دے بعد تعزیت، دعاواں اتے یکجہتی دے سنیہے ٻھیڄن۔ سماجی ویب ایکس تے ہک پوسٹ اچ انہاں آکھیا جو ایں اوکھے ویلھے اچ انہاں دے تعاون اتے یکجہتی دی بھرپور حمایت دا میں دلوں مشکور ہاں۔ نائب وزیراعظم سینیٹر محمد اسحاق ڈار آکھیا جو پاکستان ہر قسم دی دہشت گردی دے خلاف پختہ موقف رکھیندے اتے اپݨے عوام دے تحفظ، امن دے قیام اتے ایں عالمی خطرے نال نمٹݨ کیتے بین الاقوامی برادری نال تعاون کیتے ہر ویلھے تیار اے۔ انہاں آکھیا جو پاکستان دی مسلح افواج، قانون نافذ کرݨ والے ادارے اتے پولیس ہک وݙی مُد توں ایں خطرے دا مقابلہ کریندے پئن ڄݙاں جو سول انتظامیہ اتے فرسٹ رسپانڈرز ایں المناک واقعے دے بعد دے اثرات کوں سنبھالݨ اچ اہم کردار ادا کریندے پئن۔ سینیٹر محمد اسحاق ڈار آکھیا جو ساݙے خیالات اتے دعاواں شہداء، زخمیاں اتے انہاں دے اہل خانہ دے نال ہن، حکومتِ متاثرین کوں ساری ضروری معاونت اتے مدد ݙیندی پئی اے۔ نائب وزیراعظم آکھیا جو پاکستان اپݨے امن و استحکام دے خلاف کہیں وی خطرے دا فیصلہ کن ولدا ݙیوݨ کیتے پرعزم رہسی۔
