وزیر داخلہ دی شہید کیپٹن عباس دے گھر آمد، اہل خانہ کوں پرچاوݨی ݙتی

لنڈی کوتل۔ 8 فروری(اے پی پی)وفاقی وزیر داخلہ محسن نقوی شہید کیپٹن عباس خان دے لنڈی کوتل اچ گھر ڳئن اتے لواحقین نال تعزیت کیتی۔ آئی جی فرنٹیئر کور خیبرپختونخوا نارتھ وی وزیر داخلہ دے نال ہن۔ وفاقی وزیر داخلہ محسن نقوی، شہید کیپٹن عباس خان دے والد اتے اہل خانہ نال ہمدردی کریندے افسوس کیتے اتے شہید دی عظیم قربانی کوں خراجِ عقیدت پیش کیتے۔ وزیر داخلہ شہید دے ایصالِ ثواب کیتے فاتحہ خوانی کیتی اتے آکھیے جو پوری قوم شہید کوں سلام پیش کریندی اے۔ شہید کیپٹن عباس دے والد آکھیا جو ساکوں اپݨے بہادر پتر دی شہادت تے ماݨ اے، وطن کیتے اساݙا ہر پتر حاضر اے۔ وزیر داخلہ قبائلی عمائدین اتے مشران نال وی ملین۔ قبائلی مشران ہر قیمت تے مسلح افواج دا ہتھ ونݙاوݨ دا عزم دوہرایا اتے آکھیا جو او شہید کیپٹن عباس دے نقشِ قدم تے چلسن، وطن دے دفاع کیتے او ہر قربانی ݙیوݨ کیتے تیار ہین اتے ملک دی سلامتی تے کوئی ہتھ نا آوݨ ݙتا ویسی۔