دہشت گرد عناصر پاکستان وچ امن نئیں چاہندے، رانا ثناء اللہ

لاہور۔8 فروری(اے پی پی) وزیراعظم دے مشیر رانا ثناء اللہ آکھیے جو بلوچستان اچ دہشت گرد شناختی کارڈ ݙیکھ تے معصوم لوکاں اتے ٻالاں کوں گولیاں مریندے پئن ٻھل پنجاب دے لوکاں کݙاہیں اے نئیں آکھیا جو اے کارروائیاں بلوچستان دے عوام کرویندے پئن۔ اساں سارے متفق ہیں جو اے لوک دہشت گرد ہین جیہڑے ملک دا امن تباہ کرݨ چاہندن۔ لاہور اچ “عاصمہ جہانگیر کانفرنس” دے چھیکڑی سیشن نال خطاب کریندے ہوئے رانا ثناء اللہ آکھیا جو سکیورٹی فورسز دہشت گرداں دے خلاف بھرپور کارروائیاں کریندیاں پئن، پر امن کیتے ساکوں رل تے کم کرݨا پوسی۔ انہاں آکھیا جو پنجاب دے مختلف شہراں اچ بلوچ عوام ارباں روپے دا کاروبار کریندے پئن اتے اتھاں کݙاہیں وی کہیں بلوچ کوں صرف اوندی سنڄاݨ پاروں برا بھلا نئیں آکھیا گیا۔ رانا ثناء اللہ سوال چاتا جو کیا جعفر ایکسپریس واقعے دے ݙینہہ بھارتی میڈیا تے خوشیاں نئیں منائیاں گیاں ہن؟ جیہڑا ایں گالھ دا ثبوت اے جو دشمن قوتاں پاکستان اچ بدامنی چاہندن۔