یورپی یونین، بالخصوص جی ایس پی پلس فریم ورک دے تحت، پاکستان دا ہک اہم معاشی شراکت دار اے، اسحاق ڈار

اسلام آباد۔ 9 فروری (اے پی پی) نائب وزیراعظم تے وزیرِ خارجہ سینیٹر محمد اسحاق ڈار یورپی یونین دے نال تجارتی تے معاشی تعلقات ودھاوݨ دی اہمیت تے زور ڈیندیں ہوئیں آکھیا جو یورپی یونین، بالخصوص جی ایس پی پلس فریم ورک دے تحت، پاکستان دا ہک اہم معاشی شراکت دار اے، پاکستان جی ایس پی پلس دے چار ڈو سالہ جائزے کامیابی نال پورے کر ڳھدے اتے اڳوں وی آپݨی ساریاں ذمہ داریاں دی مکمل پاسداری جاری رکھیسی۔ اے ڳالھیں انھاں یورپی یونین دے نال پاکستان دے معاشی تے تجارتی تعاون کوں تکھا کرݨ دے مقصد نال اقدامات دا جائزہ گھنݨ کیتے تھیوݨ آلے ہک اعلیٰ سطح دے بین الوزارتی اجلاس دی صدارت کریندیں ہوئیاں کیتا۔ سنوار دے ڈینہہ وزارتِ خارجہ توں جاری تھیوݨ آلے بیان دے مطابق، نائب وزیرِ اعظم تے وزیرِ خارجہ محمد اسحاق ڈار یورپی یونین دے نال تجارتی تے معاشی روابط کوں گہرا تے وسیع کرݨ دی اہمیت تے زور ڈتا اتے آکھیا جو یورپی یونین، بالخصوص جی ایس پی پلس فریم ورک دے تحت، پاکستان دا ہک اہم معاشی شراکت دار اے۔  اجلاس اچ وفاقی وزیر برائے قانون و انصاف، وزیراعظم دے معاونِ خصوصی طارق باجوہ، سیکریٹری خارجہ سفیر آمنہ بلوچ، سیکریٹریز تجارت، داخلہ، سمندر پار پاکستانی تے انسانی حقوق، یورپی یونین اچ پاکستان دے سفیر تے متعلقہ وفاقی تے صوبائی محکمیاں دے سینئر حکام شرکت کیتی۔