وزیراعظم شہباز شریف دا موڈیز ولوں بینکنگ شعبے دی ریٹنگ مستحکم قرار ڈیوݨ تے اطمینان دا اظہار، معاشی ٹیم دی کوششاں دی تعریف

اسلام آباد۔ 9 فروری (اے پی پی) وزیراعظم محمد شہباز شریف موڈیز ولوں پاکستان دے بینکنگ شعبے دی ریٹنگ کوں ’’مستحکم‘‘ قرار ڈتے ون٘ڄݨ تے اطمینان دا اظہار کریندیں ہوئیاں معاشی ٹیم دی کوششاں دی پذیرائی کیتی ۔ سنوار کوں وزیراعظم آفس دے میڈیا ونگ توں جاری تھیوݨ آلے بیان دے مطابق وزیراعظم آکھیا جو پاکستان دی معیشت استحکام تے ترقی دے راہ تے ٹردی پئی اے۔ انھاں آکھیا جو بین الاقوامی اداریاں دی رپورٹاں تے ریٹنگز پاکستان دی معاشی سدھ دی درستی دا منہ بولیندا ثبوت ہن، پاکستان دے معاشی استحکام تے ترقی کیتے معاشی ٹیم رات ڈینہہ محنت کیتی اے جئیں تے او تعریف دے لائق ہن۔ وزیراعظم شہباز شریف آکھیا جو اللہ دے فضل تے کرم نال پاکستان دی ترقی دا خواب پورا تھیوݨ ویندا پئے۔