ترلائی خودکش حملے اچ 33ڄݨے شہید، دہشتگرد افغانستان اچ تربیت ڳھدی، طارق فضل چوہدری

اسلام آباد۔ 9 فروری(اے پی پی) وفاقی وزیر پارلیمانی امور ڈاکٹر طارق فضل چوہدری آکھیے جو اسلام آباد امام بارگاہ اچ خودکش حملے اچ 33 ڄݨے شہید تھئن اتے 150 زخمی تھئن، زخمیاں کوں ہسپتالاں اچ ایمرجنسی نافذ کر تے طبی سہولتاں ݙتیاں ڳں۔ انھاں آکھیا جو ترلائی اچ امام بارگاہ خدیجتہ الکبریٰ اچ جمعہ دی نماز ویلھے نمازی سجدے دی حالت اچ ہن، ہک دہشت گرد گارڈز تے فائرنگ کر ݙتی جیںدے نال گارڈ زخمی تھی گئے اتے حملہ آور مسجد اچ وڑ گیا۔ دہشت گرد آخری صف اچ آ تے آپ کوں دھماکے نال اݙا ݙتا۔ انھاں ݙسایا جو آئی جی دے کزن ایں حملے اچ شہید ڄݙاں جو انھاں دا چاچا زخمی تھئے۔ قانون نافذ کرݨ والے اداریاں ݙو توں ترائے گھنٹیاں اچ حملہ آور دی شناخت یاسر ولد بہادر خان (پشاور دا رہائشی) دے ناں نال کر گھدی۔ انھاں آکھیا جو دہشت گرد ساری تربیت افغانستان اچ ڳھدی اتے ایندے پچھوں بھارت دا ہتھ اے، اساں ایندی مذمت کریندے ہیں۔