نویں بین الاقوامی پاکستان آرمی ٹیم سپرٹ مقابلے اختتام پذیر تھی گئن، فیلڈ مارشل سید عاصم منیر دی شرکت

راولپنڈی۔ 10 فروری (اے پی پی) چیف آف ڈیفنس فورسز تے آرمی چیف، فیلڈ مارشل سید عاصم منیر پاک آرمی ٹیم سپرٹ مقابلے اچ فوجیاں تے تکنیکی ٹیم دی کوششاں کوں سراہیندے ہوئیں روایتی تربیتی طریقیاں کوں پورا کرݨ کیتے سمیلیٹر تے مبنی تربیت دی اہمیت تے زور ݙتے۔ آئی ایس پی آر دے مطابق نویں بین الاقوامی پاکستان آرمی ٹیم سپرٹ مقابلے 9 فروری 2026 کوں کھاریاں اچ کامیابی نال اختتام پذیر تھی گئن۔ اختتامی تقریب اچ فیلڈ مارشل سید عاصم منیر بطور مہمانِ خصوصی شرکت کیتی۔ ٹیم سپرٹ مقابلہ 60 گھنٹیاں تے مشتمل ہک لمبی پیٹرولنگ مشق اے، جیندے مقصد حصہ گھنݨ آلی ٹیماں دے درمیان جدید خیالات تے بہترین جنگی طریقیاں دے تبادلے دے ذریعے عسکری مہارت کوں نکھارݨ اے۔ 5 فروری 2026 توں شروع تھیوݨ آلی اے مشق پنجاب دے نیم پہاڑی علاقے اچ کیتی گئی جئیں ہک حقیقت پسندانہ آپریشنل ماحول فراہم کیتا۔ ایں سال مقابلے اچ 19 ملکاں شرکت کیتی جنھاں اچ بحرین، بنگلہ دیش، بیلاروس، مصر، عراق، اردن، سعودی عرب، ملائیشیا، مالدیپ، مراکش، نیپال، قطر، سری لنکا، ترکیہ، امریکہ تے ازبکستان شامل ہن۔ انڈونیشیا، میانمار تے تھائی لینڈ بطور مبصر شریک تھئے، جڈانجو پاکستان آرمی تے نیوی دی 16 ٹیماں وی شامل ہن۔ فیلڈ مارشل سید عاصم منیر مشق دے دوران ساری ٹیماں دی پیشہ ورانہ مہارت تے بلند حوصلے کوں سراہیا۔ انھاں آکھیا جو جدید جنگ دے تقاضیاں نال ہم آہنگ تھیوݨ کیتے ایجھی کثیر القومی سرگرمیاں ٻہوں ضروری ہن۔ تقریب دے آخر آچ آرمی چیف نمایاں شرکاء اچ انعامات تقسیم کیتے۔ انھاں نیشنل کاؤنٹر ٹیررازم سینٹر (NCTC) پبی اچ مختلف تربیتی سرگرمیاں دا مشاہدہ وی کیتا۔