ابوظہبی۔ 10 فروری (اے پی پی) چیئرمین سینیٹ سید یوسف رضا گیلانی ابوظہبی اچ متحدہ عرب امارات دی فیڈرل نیشنل کونسل دے سپیکر صقر غباش نال ملاقات کیتی جئیں دوران ڈوہیں ملکاں وچال گہرے، تاریخی تے برادرانہ تعلقات دے حوالے نال ڳالھ کیتی گئی۔ سینیٹ سیکرٹریٹ توں جاری بیان دے مطابق ڈوہیں رہنماواں پاکستان تے متحدہ عرب امارات دے درمیان موجود گہرے تعلقات تے تفصیلی گالھ مہاڑ کیتی جیہڑے آپسی …
چیئرمین سینیٹ سید یوسف رضا گیلانی دی یو اے ای دی فیڈرل نیشنل کونسل دے سپیکر صقر غباش نال ملاقات
مزید خبراں
ابوظہبی۔ 10 فروری (اے پی پی) چیئرمین سینیٹ سید یوسف رضا گیلانی ابوظہبی اچ متحدہ عرب امارات دی فیڈرل نیشنل کونسل دے سپیکر صقر غباش نال ملاقات کیتی جئیں دوران ڈوہیں ملکاں وچال گہرے، تاریخی تے برادرانہ تعلقات دے حوالے نال ڳالھ کیتی گئی۔ سینیٹ سیکرٹریٹ توں جاری بیان دے مطابق ڈوہیں رہنماواں پاکستان تے متحدہ عرب امارات دے درمیان موجود گہرے تعلقات تے تفصیلی گالھ مہاڑ کیتی جیہڑے آپسی احترام تے سانجھے اقدار تے مبنی ہن۔ فریقین ݙوپاسہ تعلقات اچ حالیہ سالاں دے دوران تھیوݨ آلی نمایاں پیش رفت تے اطمینان دا اظہار کیتا، بالخصوص تجارت تے سرمایہ کاری دے شعبیاں اچ ودھدے تعاون کوں سراہیا۔ چیئرمین سینیٹ سید یوسف رضا گیلانی سپیکر صقر غباش دا شکریہ ادا کیتا اتے پاکستان دے معاشی استحکام اچ یو اے ای دے مثبت کردار دی تعریف کیتی۔ انھاں متحدہ عرب امارات ولوں پاکستان اچ 10 ارب ڈالر دی سرمایہ کاری دے عزم کوں مضبوط شراکت داری دی واضح مثال قرار ݙتا۔ چیئرمین سینیٹ سپیکر فیڈرل نیشنل کونسل کوں پاکستان دے دورے دی باضابطہ دعوت وی ڈتی جیہڑی انھاں خوش دلی نال قبول کیتی اتے آکھیا جو او تکھے پاکستان دا دورہ کرݨ دے منتظر ہن۔
