صدرِ مملکت آصف علی زرداری دا ازبکستان نال مختلف شعبیاں اچ تعاون ٻیا ودھاوݨ دے پاکستان دا عزم

اسلام آباد۔ 10 فروری (اے پی پی) صدرِ مملکت آصف علی زرداری ازبکستان نال خوراک تے زراعت، معدنیات، انفارمیشن ٹیکنالوجی، سیاحت، صحت تے بینکاری سمیت اہم شعبیاں اچ تعاون کوں ٻیا ودھاوݨ دے پاکستان دے عزم دا اعادہ کریندیں ہوئیں ازبکستان دے صدر شوکت مرزیایوف دے حالیہ تاریخی تے نتیجہ خیز سرکاری دورہ پاکستان دے ثمرات تے موثر عملدرآمد دی لوڑھ تے زور ڈتے۔ منگل کوں ایوانِ صدر دے میڈیا ونگ دے مطابق صدرِ مملکت اے ڳالھیں پاکستان اچ ازبکستان دے سفیر علیشر تختایف نال ایوانِ صدر اچ ملاقات دے دوران کیتا جئیں ازبک صدر شوکت مرزیایوف ولوں ہک خط وی انھاں کوں پیش کیتا۔ آپݨے خط اچ ازبک صدر دورہ پاکستان دے دوران غیر معمولی مہمان نوازی تے پرتپاک استقبال تے صدر آصف علی زرداری، حکومتِ پاکستان تے پاکستانی عوام دا شکریہ ادا کیتا۔ انھاں پاکستان دے اعلیٰ ترین سول اعزاز نشانِ پاکستان تے اعزازی پروفیسرشپ تے ڈاکٹریٹ عطا کیتے ون٘ڄݨ تے وی اظہارِ تشکر کیتا۔ صدرِ مملکت آکھیا جو پاکستان ازبکستان نال آپݨے قریبی برادرانہ تعلقات کوں انتہائی اہمیت ڈیندے۔ انھاں ازبکستان دے صدر دے پاکستان دے اڄوکے تاریخی دورے دے ثمرات تے موثر عملدرآمد دی لوڑھ تے زور ݙتا۔ انھاں پاکستان توں حلال گوشت، پھلاں تے آلو دی درآمد اچ ازبکستان دی دلچسپی کوں ݙوپاسہ تجارت دے فروغ دی طرف ہک مثبت قدم قرار ڈتا۔ صدر شوکت مرزیایوف آپݨی دعوت دا اعادہ کیتا جیہڑی انھاں ڈونہیں صدور دی ملاقات دے دوران ݙتی ہئی۔ صدرِ مملکت آصف علی زرداری دعوت کوں قبول کریندے ہوئیں پاکستانی حکام کوں ہدایت کیتی جو او ازبک ہم منصباں نال رابطہ قائم رکھ تے رواں سال دے آخر آچ دورے کیتے تاریخ کوں حتمی شکل ݙیون۔ صدرِ مملکت اسلام آباد اچ حالیہ دہشت گردانہ حملے دے بعد یکجہتی دے سنیھے تے ازبک صدر دا شکریہ وی ادا کیتا۔ ازبکستان دے سفیر صدرِ مملکت کوں آگاہ کیتا جو ازبکستان اسلام آباد دے سیکٹر ایف سیون اچ بابر پارک دی تعمیر تے ترقی دا خواہاں اے تے ایں سلسلے اچ ہک متعلقہ ازبک وزیر اڳلے ہفتے اسلام آباد دا دورہ کریسی۔