اسلام آباد۔ 10فروری(اے پی پی) وفاقی وزیر برائے بورڈ آف انویسٹمنٹ قیصر احمد شیخ آکھیے جو پاکستان اتے انڈونیشیا وچال ݙوطرفہ سرمایہ کاری دے ودھ مواقع ہین جیندے نال ݙوہیں ملکاں کوں فیدہ چاوݨا ہوسی۔ سرمایہ کاری بورڈ توں جاری بیان دے مطابق انھاں اے ڳالھ اسلام آباد اچ انڈونیشیا دے وزیر برائے سرمایہ کاری روزان روسلانی اتے انھاں دے وفد نال الیندے آکھی۔ قیصر احمد شیخ آکھیا جو بورڈ …
پاکستان اتے انڈونیشیا وچال سرمایہ کاری دے ودھ مواقع ہین، وفاقی وزیر قیصر احمد شیخ
مزید خبراں
اسلام آباد۔ 10فروری(اے پی پی) وفاقی وزیر برائے بورڈ آف انویسٹمنٹ قیصر احمد شیخ آکھیے جو پاکستان اتے انڈونیشیا وچال ݙوطرفہ سرمایہ کاری دے ودھ مواقع ہین جیندے نال ݙوہیں ملکاں کوں فیدہ چاوݨا ہوسی۔ سرمایہ کاری بورڈ توں جاری بیان دے مطابق انھاں اے ڳالھ اسلام آباد اچ انڈونیشیا دے وزیر برائے سرمایہ کاری روزان روسلانی اتے انھاں دے وفد نال الیندے آکھی۔ قیصر احمد شیخ آکھیا جو بورڈ آف انویسٹمنٹ سرمایہ کاراں کوں ہر ممکن سہولت ڈیوݨ کیتے پرعزم اے، ایں سانڳے ریگولیٹری اصلاحات دا عمل جاری اے۔ انھاں ڈسایا جو آسان کاروبار ایکٹ دے تحت سرمایہ کاری دے ماحول کوں ٻیا سازگار ٻݨایا ویندا پئے تاں جو ملکی و غیر ملکی سرمایہ کاراں کوں ہک شفاف نظام مل سگے۔ انھاں انڈونیشی وفد کوں خصوصی اقتصادی زونز اچ موجود مواقع دا وی ݙسایا۔ قیصر احمد شیخ آکھیا جو پاکستان دے مختلف شعبیاں اچ سرمایہ کاری دے منصوبے وفد دے سامݨے پیش کیتے گئن اتے ݙوہیں ملک باہمی تعاون نال ایں شراکت داری کوں ٻیا ودھیسن
