اسلام آباد۔ 10 فروری(اے پی پی) نائب وزیر اعظم تے وزیرِ خارجہ سینیٹر محمد اسحاق ڈار انڈونیشیا دے وزیر برائے سرمایہ کاری و ڈاؤن سٹریم انڈسٹری اتے انڈونیشیا دے خودمختار ویلتھ فنڈ (دانانتارا) دے چیف ایگزیکٹو آفیسر روزان روزلانی نال وفود دی سطح تے مذاکرات کیتن۔ مذاکرات اچ پاکستان اتے انڈونیشیا وچال اقتصادی اتے سرمایہ کاری تعلقات کوں مضبوط بݨاوݨ، تعاون دے ممکنہ مواقع اتے باہمی مفاد تے مبنی منصوبیاں …
نائب وزیر اعظم محمد اسحاق ڈار دے انڈونیشیا دے وزیر روزان روزلانی نال وفود دی سطح تے مذاکرات
مزید خبراں
اسلام آباد۔ 10 فروری(اے پی پی) نائب وزیر اعظم تے وزیرِ خارجہ سینیٹر محمد اسحاق ڈار انڈونیشیا دے وزیر برائے سرمایہ کاری و ڈاؤن سٹریم انڈسٹری اتے انڈونیشیا دے خودمختار ویلتھ فنڈ (دانانتارا) دے چیف ایگزیکٹو آفیسر روزان روزلانی نال وفود دی سطح تے مذاکرات کیتن۔ مذاکرات اچ پاکستان اتے انڈونیشیا وچال اقتصادی اتے سرمایہ کاری تعلقات کوں مضبوط بݨاوݨ، تعاون دے ممکنہ مواقع اتے باہمی مفاد تے مبنی منصوبیاں دا جائزہ ڳھنݨ تے توجہ ݙتی گئی جیندے اچ بہترین طریقہ کار دا تبادلہ اتے صحت سودھا ترجیحی شعبیاں اچ تعاون شامل اے۔ وزارتِ خزانہ، سپیشل انویسٹمنٹ فسیلیٹیشن کونسل (ایس آئی ایف سی) اتے بورڈ آف انویسٹمنٹ ولوں پاکستان دے سرمایہ کاری دے منظرنامے، ترجیحی شعبیاں اتے سہولت دے طریقہ کار تے پریزنٹیشنز ݙتیاں ڳئن۔ ملاقات اچ وزیرِ صحت، وزیرِ اعظم دے خصوصی معاون طارق باجوہ، چیئرمین بورڈ آف انویسٹمنٹ، نیشنل کوآرڈینیٹر ایس آئی ایف سی، سیکرٹری خزانہ، قائم مقام سیکرٹری خارجہ اتے ٻئے سینئر حکام شرکت کیتی
