اسلام آباد۔ 10 فروری(اے پی پی) پاکستان اتے انڈونیشیا 2027ء تئیں ترجیحی تجارتی معاہدے کوں جامع اقتصادی شراکت داری معاہدے اچ بدلݨ کیتے کوششاں تیز کرݨ تے اتفاق کیتے، وزیر اعظم محمد شہباز شریف انڈونیشیا نال معاشی تعلقات کوں ٻیا بہتر ٻݨاوݨ کیتے اقدامات دا آکھیے۔ وزیر اعظم محمد شہباز شریف نال انڈونیشیا دے وزیر برائے سرمایہ کاری و ڈاؤن سٹریم انڈسٹری روسن روئیسلانی (Rosan Roeslani) دی سربراہی اچ 5 …
وزیر اعظم محمد شہباز شریف نال انڈونیشیا دے وزیر برائے سرمایہ کاری روسن روئیسلانی دی ملاقات
مزید خبراں
اسلام آباد۔ 10 فروری(اے پی پی) پاکستان اتے انڈونیشیا 2027ء تئیں ترجیحی تجارتی معاہدے کوں جامع اقتصادی شراکت داری معاہدے اچ بدلݨ کیتے کوششاں تیز کرݨ تے اتفاق کیتے، وزیر اعظم محمد شہباز شریف انڈونیشیا نال معاشی تعلقات کوں ٻیا بہتر ٻݨاوݨ کیتے اقدامات دا آکھیے۔ وزیر اعظم محمد شہباز شریف نال انڈونیشیا دے وزیر برائے سرمایہ کاری و ڈاؤن سٹریم انڈسٹری روسن روئیسلانی (Rosan Roeslani) دی سربراہی اچ 5 رکنی وفد اسلام آباد اچ ملیے۔
وزیراعظم آفس دے میڈیا ونگ ولوں جاری بیان دے مطابق ملاقات اچ الیندے وزیر اعظم آکھیا جو پاکستان اتے انڈونیشیا وچال ݙھاکیاں توں تکڑے ٻھراواں آلے تعلقات ہین جیہڑے ویلھے دے نال ٻئے ودھدے پئن۔ انھاں انڈونیشیا دے صدر پرابووو سوبیانتو کیتے نیک خواہشات پچائن۔ وزیراعظم آکھیا جو پاکستان انڈونیشیا نال معاشی تعلقات کوں مزید بہتر بݨاوݨ چاہندے اتے ساورن ویلتھ فنڈ دے ماڈل دے حوالے نال انڈونیشیا دے تجربے توں فائدہ چاوݨ چاہندے ہیںن۔ انڈونیشیائی وزیر سرمایہ کاری پاکستان اچ شاندار استقبال اتے میزبانی تے وزیراعظم اتے حکومتِ پاکستان دا شکریہ ادا کیتا۔ ملاقات اچ نائب وزیراعظم اسحاق ڈار، وفاقی وزیرِ تجارت جام کمال خان اتے ٻئے اعلیٰ حکام وی موجود ہن۔
