اسلام آباد۔12 فروری(اے پی پی) نائب وزیراعظم اتے وزیرِ خارجہ سینیٹر محمد اسحاق ڈار دی صدارت اچ ریاستی ملکیت دے اداریاں دی نجکاری اچ تھیوݨ والی ترقی دا جائزہ ڳھنݨ کیتے ہک اجلاس تھئے۔ اجلاس اچ کمیٹی جاری اقدامات دا تفصیلی جائزہ ڳھدا اتے شفاف، مسابقتی اتے مؤثر نجکاری دے عمل کوں یقینی بݨاوݨ کیتے اڳلے لائحہ عمل تے مشورہ کیتا۔ نائب وزیراعظم منصفانہ مارکیٹ ویلیوایشن دی اہمیت تے زور …
نائب وزیراعظم محمد اسحاق ڈار دی اڳواݨی اچ ریاستی ملکیتی اداریاں دی نجکاری اچ ترقی دا جائزہ اجلاس
مزید خبراں
اسلام آباد۔12 فروری(اے پی پی) نائب وزیراعظم اتے وزیرِ خارجہ سینیٹر محمد اسحاق ڈار دی صدارت اچ ریاستی ملکیت دے اداریاں دی نجکاری اچ تھیوݨ والی ترقی دا جائزہ ڳھنݨ کیتے ہک اجلاس تھئے۔ اجلاس اچ کمیٹی جاری اقدامات دا تفصیلی جائزہ ڳھدا اتے شفاف، مسابقتی اتے مؤثر نجکاری دے عمل کوں یقینی بݨاوݨ کیتے اڳلے لائحہ عمل تے مشورہ کیتا۔ نائب وزیراعظم منصفانہ مارکیٹ ویلیوایشن دی اہمیت تے زور ݙتا جیڑھی جو اثاثیاں دے نال نال مستقبل دی کاروباری صلاحیت دی درست عکاسی کرے۔ انہاں آکھیا جو نجکاری دا مقصد نجی شعبے دی سرمایہ کاری کوں ودھاوݨ اتے اداریاں کوں مارکیٹ دے تقاضیاں دے مطابق ودھ مؤثر انداز اچ کم کرݨ دے قابل ٻݨاوݨ اے۔ اجلاس اچ وفاقی وزیرِ خزانہ، وفاقی وزیر برائے اقتصادی امور، وفاقی وزیرِ تجارت، وزیراعظم دے خصوصی معاون برائے نجکاری، وزیراعظم دے خصوصی معاون طارق باجوہ، وزیراعظم دے مشیر، اٹارنی جنرل، سیکرٹری نجکاری اتے سیکرٹری دفاع شرکت کیتی
