اسحاق ڈار دی صدارت اچ اسلامی تعاون تنظیم دی تریمتیں بارے 9 ویں وزارتی کانفرنس دیاں تیاریاں دا جائزہ اجلاس

اسلام آباد۔12 فروری(اے پی پی) نائب وزیراعظم تے وزیر خارجہ سینیٹر محمد اسحاق ڈار 2026 اچ پاکستان دی میزبانی اچ تھیوݨ والی اسلامی تعاون تنظیم (او آئی سی) دی تریمتیں بارے 9 ویں وزارتی کانفرنس دی تیاریاں دے جائزہ اجلاس دی صدارت کیتی۔ اجلاس اچ پیش رفت دا تفصیلی جائزہ ڳھدا گیا اتے زور ݙتا گیا جو کانفرنس دے کامیاب انعقاد کوں یقینی بݨاوݨ کیتے ویلے تے رابطہ کاری کوں یقینی بݨایا ونڄے۔ نائب وزیراعظم تے وزیر خارجہ سینیٹر محمد اسحاق ڈار متعلقہ وزارتاں اتے سارے شراکت داراں کوں ہدایت کیتی جو او، او آئی سی سیکریٹریٹ نال قریبی تعاون کر کے انتظامی و لاجسٹک انتظامات اتے موضوعاتی ترجیحات کوں حتمی شکل ݙیون۔ اجلاس اچ وفاقی وزیر قانون و انصاف سینیٹر اعظم نذیر تارڑ، وزیراعظم دے معاون خصوصی طارق باجوہ، سیکرٹری خارجہ سفیر آمنہ بلوچ، سیکرٹری کابینہ ڈویژن اتے سیکرٹری انسانی حقوق ڈویژن سودھا وزارت خزانہ، داخلہ اتے ٻیاں متعلقہ وزارتاں دے سینئر افسران شرکت کیتی۔