اسلام آباد۔ 13 فروری (اے پی پی) وفاقی وزیرِ داخلہ تے انسدادِ منشیات سینیٹر محسن نقوی آکھیا جو اسلام آباد جیل ݙو مہینیاں اچ فعال تھی ویسی، اسلام آباد دے مقدمات دے سارے ملزمان تے مجرماں کوں ایندے اچ منتقل کریسوں۔ جیہڑا وی غیر قانونی افغانی پاکستان اچ موجود اے اینکوں ہر حال اچ واپس بھیجا ویسی۔ دھرنے دی ڈیڈ لائن ختم تھیوݨ دے بعد صورتحال دے مطابق نبڑسوں۔ اسلام …
اسلام آباد جیل ݙو مہینیاں اچ فعال تھی ویسی، مقامی مقدمات دے سارے ملزمان تے مجرماں کوں منتقل کریسوں، وزیرِ داخلہ محسن نقوی
مزید خبراں
اسلام آباد۔ 13 فروری (اے پی پی) وفاقی وزیرِ داخلہ تے انسدادِ منشیات سینیٹر محسن نقوی آکھیا جو اسلام آباد جیل ݙو مہینیاں اچ فعال تھی ویسی، اسلام آباد دے مقدمات دے سارے ملزمان تے مجرماں کوں ایندے اچ منتقل کریسوں۔ جیہڑا وی غیر قانونی افغانی پاکستان اچ موجود اے اینکوں ہر حال اچ واپس بھیجا ویسی۔ دھرنے دی ڈیڈ لائن ختم تھیوݨ دے بعد صورتحال دے مطابق نبڑسوں۔ اسلام آباد دی ریسکیو تے ایمرجنسی سروس کوں ہک خود مختار تے جدید ادارہ بݨاوݨ ویندے پئیوں۔ او جمعہ کوں اسلام آباد پولیس لائن اچ سپیشل ویپنز اینڈ ٹیکٹس فورس (ایس ڈبلیو اے ٹی) دی پاسنگ آؤٹ تقریب توں خطاب تے صحافیاں نال گالھ مہاڑ کریندے پئے ہن۔ بانی پی ٹی آئی دی اسلام آباد دی نویں جیل اچ منتقلی دے سوال تے وزیرِ داخلہ آکھیا جو انھاں سمیت جیندے جیندے خلاف اسلام آباد دے مقدمات درج ہن، انھاں کوں نویں جیل اچ منتقل کیتا ویسی۔ پی ٹی آئی دے دھرنے دے حوالے نال انھاں آکھیا جو 48 گھنٹیاں دی ڈیڈ لائن گزر ونڄے، ایندے بعد جے کہیں دھرنا ݙتا تاں قانون دے مطابق نبڑسوں، آئی جی اسلام آباد تے انھاں دی ٹیم تیار اے۔ انھاں آکھیا جو پاک فوج دے ٹرینرز دی مدد نال پولیس کوں عالمی معیار دی تربیت ݙتی گئی اے اتے سپیشل ویپنز اینڈ ٹیکٹس فورس دہشت گردی کوں روکݨ کیتے ٻہوں ضروری ہئی۔
