سینیٹ “نیا پاکستان ہاؤسنگ اینڈ ڈویلپمنٹ اتھارٹی (ترمیمی) بل 2026” منظور کر ڳھدے

اسلام آباد۔ 13 فروری(اے پی پی) سینیٹ نیا پاکستان ہاؤسنگ اینڈ ڈویلپمنٹ اتھارٹی (ترمیمی) بل 2026 منظور کر ڳھدے۔ اے بل وزیر برائے پارلیمانی امور ڈاکٹر طارق فضل چوہدری پیش کیتا۔ ایں بل دا مقصد اتھارٹی دے قانون دی کڄھ شقاں اچ ترمیم کرݨ اے۔ اے ترمیم سپریم کورٹ دے “مصطفیٰ امپیکس کیس” دے فیصلے سانڳے کیتی گئی اے جیندے اچ آکھیا گیا ہئی جو اہم پالیسی اتے انتظامی فیصلے وفاقی کابینہ اجتماعی طور تے کریسی۔ اے مشاہدہ کیتا گیا ہئی جو ٻہوں سارے قوانین اچ معمولی انتظامی اختیارات وی “وفاقی حکومت” کولو ہن جیندے نال چھوٹے چھوٹے معاملے وی کابینہ کوں ٻھیڄݨے پوندن اتے کم تھیوݨ اچ دیر تھیندی ہئی۔ ایں ترمیمی بل دے ذریعے کڄھ اختیارات کوں مناسب اداریاں کوں منتقل کیتا ڳئے تاں جو کابینہ اپݨی توجہ صرف قومی پالیسی اتے اہم معاملیاں تے رکھ سگے اتے انتظامی کم روانی نال تھیون۔