اسلام آباد۔ 13 فروری (اے پی پی) صدرِ مملکت آصف علی زرداری طبی تعلیم اچ مصنوعی ذہانت دے انضمام، ڈیجیٹل ہیلتھ سسٹمز، ٹیلی میڈیسن اتے ڈیٹا تے مبنی تحقیق دی لوڑھ تے زور ݙتے۔ ایوانِ صدر دے پریس ونگ دے مطابق صدرِ مملکت اسلام آباد اچ فیڈرل ضیاء الدین یونیورسٹی اسلام آباد دی گورننگ باڈی دے پہلے اجلاس دی صدارت کیتی اتے ادارے کوں معیاری تعلیم، تحقیق اتے جدت، خاص …
طبی تعلیم اچ مصنوعی ذہانت دے انضمام، ڈیجیٹل ہیلتھ سسٹمز اتے ڈیٹا تے مبنی تحقیق دی لوڑھ اے، صدر آصف علی زرداری
مزید خبراں
اسلام آباد۔ 13 فروری (اے پی پی) صدرِ مملکت آصف علی زرداری طبی تعلیم اچ مصنوعی ذہانت دے انضمام، ڈیجیٹل ہیلتھ سسٹمز، ٹیلی میڈیسن اتے ڈیٹا تے مبنی تحقیق دی لوڑھ تے زور ݙتے۔ ایوانِ صدر دے پریس ونگ دے مطابق صدرِ مملکت اسلام آباد اچ فیڈرل ضیاء الدین یونیورسٹی اسلام آباد دی گورننگ باڈی دے پہلے اجلاس دی صدارت کیتی اتے ادارے کوں معیاری تعلیم، تحقیق اتے جدت، خاص طور تے صحت دے علوم اتے جدید ٹیکنالوجی دے مرکز دے طور تے بݨاوݨ کیتے ہک واضح رستہ ݙسایا۔ صدرِ مملکت ایں موقع تے اپݨے خطاب اچ آکھیا جو یونیورسٹی صرف ہک روایتی تعلیمی ادارہ نہ بݨے ٻھل اے جدید ٹیکنالوجی دا مرکز ہووݨا چاہیدے۔ انھاں ہدایت کیتی جو تعلیمی پروگرام، فیکلٹی دی بھرتی اتے انفراسٹرکچر دی ترقی عالمی معیار دے مطابق ہووݨی چاہیدی اے اتے معیار تے کوئی سمجھوتہ نہ کیتا ونڄے۔ صدرِ مملکت طبی تعلیم اچ مصنوعی ذہانت، بائیوٹیکنالوجی تے میڈیکل روبوٹکس ڄھئیں شعبیاں اچ تحقیق دی حوصلہ افزائی کیتی اتے آکھیے جو شفاف مالی نظام اتے ڈیٹا دی بنیاد تے فیصلے کرݨ کوں شروع توں ہی ادارے دا حصہ ٻݨایا ونڄے۔ یونیورسٹی دے چانسلر ڈاکٹر عاصم حسین ایں موقع تے گورننگ باڈی دے ممبراں دا تعارف کرایا جیندے بعد وائس چانسلر پروفیسر ڈاکٹر غلام رضا بھٹی صدرِ مملکت کوں فیڈرل ضیاء الدین یونیورسٹی ایکٹ 2024 دے تحت یونیورسٹی بݨاوݨ اتے خزاں 2026 توں تعلیمی سرگرمیاں شروع کرݨ دے منصوبے دا ݙسایا جو اسلام آباد اچ ٻݨݨ والا اے ادارہ وفاقی سطح تے تحقیق دے معیار اتے سماجی ذمہ داری تے خاص توجہ ݙیسی۔ اجلاس اچ اے وی ݙسایا ڳیا جو ایکٹ دے مطابق پروفیسر ڈاکٹر غلام رضا بھٹی کوں وائس چانسلر اتے اویس احمد کوں رجسٹرار مقرر کیتا ڳئے۔ اجلاس اچ فیڈرل ضیاء الدین یونیورسٹی دا کیمپس کراچی اچ بݨاوݨ دی تجویز وی پیش کیتی گئی۔
