بانی پی ٹی آئی دی اکھ دے علاج کیتے ٻیا معائنہ ماہرینِ امراضِ چشم کریسن، بے بنیاد خبراں توں گریز کیتا ون٘ڄے، عطاء اللہ تارڑ

اسلام آباد۔ 14 فروری (اے پی پی) وفاقی وزیرِ اطلاعات تے نشریات عطاء اللہ تارڑ آکھیا جو بانی پی ٹی آئی دی اکھ دے جاری علاج دے تسلسل اچ ٻیا معائنہ تے علاج ہک خصوصی طبی ادارے اچ ماہرینِ امراضِ چشم کریسن۔ ہفتے کوں سوشل میڈیا تے آپݨے سنیھے اچ انھاں آکھیا جو علاج دے حوالے نال تفصیلی رپورٹ سپریم کورٹ اچ جمع کرائی ویسی۔ ایں معاملے تے قیاس آرائیاں تے ذاتی مفاد کیتے اینکوں سیاسی رنگ ڈیوݨ توں گریز کیتا ون٘ڄے۔