وفاقی وزیرِ داخلہ محسن نقوی دی سری لنکا دے صدر انورا کمارا ڈسانائیکے نال ملاقات اے، پاکستانیاں کوں ویزے اچ مشکلات بارے آگاہ کیتا

کولمبو۔ 17 فروری (اے پی پی) وفاقی وزیرِ داخلہ تے چیئرمین پی سی بی محسن نقوی سری لنکا دے صدر انورا کمارا ڈسانائیکے نال ملاقات کیتی جیندے دوران پاکستانیاں کوں ویزے اچ مشکلات بارے آگاہ کیتا، وفاقی وزیر چوہدری سالک حسین تے پاکستانی ہائی کمشنر وی ایں موقع تے موجود ہن۔ سری لنکن صدر محسن نقوی دے آکھݨ تے نوٹس گھندے ہوئیں فوری طور تے پاکستانیاں کوں تمام لسٹاں توں نکالݨ دا حکم ڈتے ۔ انھاں آکھیا اے جو سری لنکا دی وزیراعظم ٻہوں جلدی پاکستان دے دورے تے ویسن۔ ڈوہیں رہنماواں ملاقات دے دوران دہشت گردی تے منشیات دے خاتمے تے فورسز دی مشترکہ ٹریننگ تے وی گالھ مہاڑ کیتی ۔ محسن نقوی وزیراعظم شہباز شریف ولوں سری لنکن صدر کوں پاکستان دے دورے دی دعوت وی پڄائی ۔ سری لنکن صدر بھارت دے خلاف میچ کولمبو اچ کھیݙݨ تے وزیراعظم دا شکریہ ادا کیتے۔