لندن۔ 17 فروری (اے پی پی) وزیراعظم محمد شہباز شریف ضلع باجوڑ اچ فتنہ الخوارج دے دہشت گرداں ولوں سکیورٹی تے قانون نافذ کرݨ آلے اداریاں دی مشترکہ چیک پوسٹ تے حملے دی کوشش دی شدید مذمت کریندیں ہوئیاں دہشت گرداں دے حملے اچ سکیورٹی فورسز دے 11 جواناں تے ہک معصوم شہری دی شہادت تے افسوس دا اظہار کیتے۔ منگل کوں وزیراعظم آفس دے میڈیا ونگ ولوں جاری بیان …
وزیراعظم شہباز شریف دی باجوڑ اچ فتنہ الخوارج دے دہشت گرداں دے حملے دی کوشش دی مذمت
مزید خبراں
لندن۔ 17 فروری (اے پی پی) وزیراعظم محمد شہباز شریف ضلع باجوڑ اچ فتنہ الخوارج دے دہشت گرداں ولوں سکیورٹی تے قانون نافذ کرݨ آلے اداریاں دی مشترکہ چیک پوسٹ تے حملے دی کوشش دی شدید مذمت کریندیں ہوئیاں دہشت گرداں دے حملے اچ سکیورٹی فورسز دے 11 جواناں تے ہک معصوم شہری دی شہادت تے افسوس دا اظہار کیتے۔ منگل کوں وزیراعظم آفس دے میڈیا ونگ ولوں جاری بیان دے مطابق وزیراعظم شہدا دے درجات دی بلندی دی دعا کیتی تے انھاں دے اہل خانہ نال تعزیت دا اظہار کیتا۔ وزیراعظم حملے اچ زخمی تھیوݨ آلیاں دی جلد صحت یابی دی دعا وی کیتی۔ انھاں آکھیا جو سکیورٹی فورسز بروقت کارروائی کریندیں ہوئیں فتنہ الخوارج دے 12 دہشت گرداں کوں جہنم واصل کیتے۔ انھاں آکھیا جو عزمِ استحکام دے وژن دے تحت سکیورٹی فورسز دہشت گردی دے خلاف وݙی کامیابیاں حاصل کریندی پئن، پوری قوم دہشت گردی دے خلاف ایں جنگ اچ پاکستان دی افواج دے نال کھڑی اے۔ وزیراعظم ملک توں ہر قسم دی دہشت گردی دے مکمل خاتمے کیتے عزم دا وی اظہار کیتا۔
