بیروت ۔ 9 مئی (اے پی پی) لبنان دی سکیورٹی فورسز ملک دے شمالی علاقے توں ڈو دہشت گرداں کوں گرفتار کرنڑ دا دعوی کیتاہے۔لبنانی میڈیا ولوں جاری کر دہ رپورٹ وچ آکھیا گیا ہے جو ملکی سکیورٹی فورسز بقاع اتے طرابلس وچ دہشت گردگروہاں نال تعلق دے الزام وچ ڈو بندے گرفتارکریندے ہوئیںاتھاں دی تفتیش سانگے عدالتی تحویل وچ ڈے ڈتے ۔ لبنانی فوج ہفتے کو ں وی بقاع غربی، عرسال اتے صیدا وچ ڈھگ سارے دہشت گرداں کوں گرفتار اتے انہاں دے ٹھکانڑیں توںودھ ساری مقدار وچ ہتھیار اتے گولہ بارود ضبط کیتے ہن ۔لبنان دے شمالی سرحدی علاقے وچ ہک عرصے توں دہشت گردگروہ سرگرم ہن اتے وقفے وقفے نال لبنانی فوج اتے دہشت گرداں وچال جھڑپاں تھیندیاں رہندن۔ واضح رہوے جو دہشت گرداں تقریبا ڈوسال پہلے متعدد لبنانی فوجیاں کوں یرغمال بنڑا گھدا ہائی جوابی کارروائی وچ لبنانی فوج وی مختلف کارروائیاں وچ ڈھگ سارے دہشت گرداں کوں مار ڈتا ہے ۔
