اسلام آباد ۔ 24 مئی (اے پی پی) جاری مالی سال 2015-16ءدے پہلے 10 مہینے دے دوران ٹیکسٹائل اتے کپڑے دی ملکی برآمدات وچ 7.7 فیصد دی گھٹکی تھی ہے اتے ملکی برآمدات دا حجم 10.4 ارب ڈالر تائیںگھٹ تھی گیا جڈانجو گزریل مالی سال وچ جولائی توںاپریل 2014-15ءدے دوران کپڑے اتے ٹیکسٹائلز دی برآمدات نال 11.3ارب ڈالر دا زرمبادلہ کمایاگیاہائی۔ ادارہ برائے شماریات پاکستان (پی بی ایس) دے اعداد وشمار دے مطابق اپریل2016دے دوران1.03ارب ڈالر دی برآمدات کیتیاں گئیاں جو اپریل 2015ءدی برآمدات توں 3.5فیصد گھٹ رہیاں ۔اپریل 2015ءدے دوران شعبے دی برآمدات داحجم 1.07ارب ڈالر ریکارڈ کیتاگیا ہائی۔
