اسلام آباد ۔ یکم جولائی (اے پی پی) وزیراعظم محمد نواز شریف ملک دی بے مثال اقتصادی بحالی کیتے انتھک کوششاں تے وزیر خزانہ اسحاق ڈار دی قیادت اچ حکومت دی اقتصادی ٹیم دی تعریف کیتی ہے ۔ جمعے کوں جاری ہک بیان اچ وزیراعظم اقتصادی میدان اچ سنگ میل عبور کرنڑاتے ملک کوں پائیدار اقتصادی ترقی تے خوشحالی دی راہ تے ٹورنڑ تے معاشی ٹیم دی تعریف کیتی۔ وزیراعظم آکھے جو زرمبادلہ دے ذخیرے 23 ارب ڈالر توںودھ گئے ہن جیہڑے جو جون 2013ء اچ 6.8 ارب ڈالر ہن ۔ زرمبادلہ دے ذخیرے دا پاکستان دی تریخ اچ بہوں اوچی سطح تے پجنڑ ا موجودہ حکومت دی کامیاب اقتصادی پالیسیاں کوں ظاہر کریندے ۔ انہاں آکھیا جو اساڈیاں پالیسیاں دامقصد طویل المدت اقتصادی استحکام اتے پائیدار ترقی ہے۔ وزیراعظم آکھے جو 3104 ارب روپے مالیت دے ٹیکس محصولات دیاں وصولیاں گزریل ترائے سالیں اچ 60 فیصد ودھارے کوں ظاہر کریندے ،جیہڑاجو سالانہ اوسطاً 20 فیصد ودھارے کوں ظاہر کریندے ۔ انہاں آکھیا جو 2008ء توں 2013ء تئیں دے عرصہ اچ ٹیکس محصولات اچ اوسطاً صرف ترائے فیصد ودھارا تھئے ۔ انہاں ایں گالھ تے زورڈتا جو آندے ڈو مالیاتی سالیں اچ بئی اقتصادی ترقی اتے توانائی تے بنیادی ڈھانچے دے شعبیاں اچ وسیع تر سرمایہ کاری ڈیکھنڑ کوں ملسی۔ محمد نواز شریف آکھیا جو موجودہ حکومت 900 ارب روپے دے بنیادی ڈھانچے دے منصوبیاں تے عمل درآمد کریندی پئی ہے جنہاں اچ 1.5 ارب ڈالر دی نجی سرمایہ کاری وی شامل ہے۔ انہاںآکھیا جو پاکستان ولوں ابھردی ہوئی مارکیٹ دا درجہ حاصل کرنڑاں دانشمندانہ مالیاتی تے اقتصادی پالیسیوں کوں ظاہر کریندے ۔
