اسلام آباد ۔ 28 مارچ (اے پی پی) وفاقی وزیر انسانی حقوق ممتاز احمد تارڑ آکھیے جو حکومت انسانی حقوق دے ادارے ،انسانی حقوق دے حوالے نال موثر پالیسیاں بنڑائیاں ہن ،حکومت عالمی سطح دے انسانی حقو ق بارے کنونشنز تے عمل در آمد سانگے پر عزم اے ،انسانی حقوق دے نیشنل ایکشن پلان پروگرام چھی اہم نکتیں تے مشتمل اے جیں اچ اصلاحات تے قانون سازی شامل اے ۔او بدھ کوں اتھاں وومن پارلیمانی کاکس تے حکومت آسٹریلیا دے تعاون نال منعقدہ قومی کنونشن دے افتتاحی سیشن توں بطور مہمان خصوصی خطاب کر یندے پے ہن۔ افتتاحی سیشن نال پاکستان اچ آسٹریلیا دی ہائی کمشنر مارگریٹ تھامسن، وومن پارلیمانی کاکس دی سیکرٹری شائستہ پرویز ملک اتے بانی سیکرٹری نفیسہ شاہ وی خطاب کیتا ۔ وزیر قانون و انصاف آکھیا اساڈے آئین تے مذہب اچ بنیادی انسانی حقوق کوں اہم مقام حاصل اے ، حکومت انسانی حقوق دے تحفظ سانگے کوشاں اے۔ پارلیمانی وومن کاکس آئین توں متعلقہ مسلیں کوں نشابر کرنڑ سانگے اہم کردار دی حامل اے ،13ویں قومی اسمبلی اچ ایندی موجودگی با مقصد اے ۔
